Sachii Mohabbat - Aik Pak Jazba, aik Raheem Jazba

[thefire1]

Assalaam-O-alaikum

Aaj kal humaray maashray main jo faza qayim hay, yaani jis tarah kay columns hum akhbaar main paRhtay hain, jis tarah kay morning shows main sawaal hotay hain, jiss tarah ki shaayeri hum paRhtay hain, jiss tarah kay afsaanay hum paRhtay hain, jiss tarah ki films hum dekhtai hain, jiss tarah ki guftagoo humaray dost hum say kartay hain....... hum kahin na kahin SACHII MOHABBAT ko ruswa kar rahay hotay hain....!!

Hum aur humara maashra MOHABBAT ki jo manzar kashii kar raha hay woh mujhay zaati tour per bohat takleef daita hay.... hum apnay maashray main jiss mohabbat ka propeganda kar rahay hain woh Mohabbat nahin hay balkay 'khudh-gharzi' aur apni 'hawas' aur 'jinsi khuwahishaat' ki takmeel ka aik sabab hay.... aur isi waja say humaray maashray main bohat see beemariyon nay janam lia hay jo kisi deemak ki tarah humaray culture ko humari soch ko, humari saqaafat ko aur humari religios values ko andar hi andar khoukla kartii jaa rahii hay...!

MOHABBAT ko samajhna koi itna mushkil nahin kay iss per nisaab likhay jaayain, mohabbat ka taqaaza REHMAT hay, agar aap kay dil main REHAM hay tou aap ka dil mohabbat say sar-shaar hay....!!

Aik martaba Nabi-e-Karim SAW Shaba-e-Karam kay saath tashreef farma thay kay Hazrat Hassan RZ jo kay choutii umar kay thay wahan say guzray aap nay foran unhain bulaaya aur unn ka 'bosa' lia.... wahan aik badoo sardar jo kay jang-jo sjhaksiyat ka maalik tha wahan baitha tha, uss nay kaha kay meray itnay baitay hain magar main nay aaj tak kisi ko bosa nahin dia, aur Nabi ho kar aisa kar rahay hain... Aap SAW nay farmaya kay jiss kay dil main ALLAH nay REHMAT nahin rakhii main uss ka kia kar sakta hoon!!

Aksar aap nay dekha hay kay hum kehtay hain kay Mohabbat kartay nahin ho jaati hay, kisi ko pehli nazar dekha aur uss kay ishq main griftaar hogaya.... yeh kaun sii mohabbat hay jo shakal ko dekha aur hum girftaar hotay chalay gayay... ASAL mohabbat insaan kay Kirdaar, uss kay ki guftaar, uss kay ikhlaaq say hotii hay..... Mohabbat karnay kay shak-o-surat ka hona zaroori nahi.... aisay log aksar apni mohabbat ko haasil kar kay apni hawas bhuja kar apnay say dour kar daitay hain..... Nabi-e-Karim SAW ki zaat-e-mubaraka ho, Humaray kitnay Azeem-us-shaan Sahab-e-Karam hain, kitnay jangi supashalaar hain, hum nay unn ko daikha nahin magar humara dil unn ki mohabbat main giraftaar hay kiyonki unn kay kirdaar, unn ka ikhlaaq aur unn kay kaarnamay humain unn say mohabbat karnay per majboor kar daitay hain.... More you know about someone personality more you get in LOVE with them.....!!

Islaam kay ibtidayii dinoo main Sahaba-e-Karam aur Taba-Tabiyeen Seerat-un-Nabi SAW apnay bachoon ko paRhaatay thay taakay jitna woh AAP SAW kay baaray main jaanain utna hi unn ki mohabbat main griftaar hoon.

ISLAM mohabbat say nahin roukta, humain fitrii tour per koi acha lag sakta hay, magar aap khudh hi iss ka andaaza lagayain kay aik haseen tareen laRkii hay aur aap ko pehli nazar main dekhtay hii aap ka dil uss per raaghib hogaya, magar agar woh bad-ikhlaaq hay, aur bad-zabaan tou aap main say kitnay ussay apnaanay ki koshish karain gain.

Humain MOHABBAT kay sahii ma'anay samajhnay ki zaroorat hay... ALLAH SWT Shohar aur biwi kay darmiyan mohabbat paida farma hi daita hay, aap khudh sochay kay aik laRkii jo apnay shohar ki adatoon say waqif nahin hoti aur uss ka khandaan alag, shehar alag, qabeela alag, magar srif chand dinoon main woh aapas main itni mohabbat karnay lagtay hain kay apnay waldain aur ghar waaloon ki mohabbat bhi uss mohabbat per haawii ho jaatii hay, yeh hay woh REHAM ka tazkara jo ALLAH SWT insaani diloon main paida kar daita hay!

Humain chayeh kay hum MOHABBAT kay iss azeem rishtay ko unn baazaari mohabbat ka shikaar na honay dain, jiss ka aaj har taraf charcha hay, har film, har gaanay main, har kahani, har afsaanay main zikar hay... SACHII MOHABBAT dilooo ko RAHIM banaatii hay Hawas ka pujaari nahin!!

May ALLAH SWT light and guide our ways AMEEN

Aap ki duwaoon ka talabgaar, ek khaaksaar.

Fi amaan ALLAH

[naz]

Hum log sub yehe kehty hain k mohabbat aise hai waise hai...tu phir wo kaun log.hain ...jin ki.badolat mohabbat badnaam.hai...wo b hum mai se koi he nikley ga..jis j qol o tazad m farq hga...duniya k samne kia hga or khud andr se wo badbo dar khana hoga...

Sent from my HTC Desire S using Tapatalk 2

[Arosa Hya]

Wa alaikum aslam

bilkul sahi kaha....... or is muhbt k naam per hmare mashry mai haqeeqtan beshumar fitny or buraiyan sar utha rahi hain..
or kbi kisi k srzinsh krne pr boht besharmi se keh dety hain muhabbat or jang mai sb kuch jaiz hai.
pta nhi is pakeeza jazbe ko itna pamal q krte hain log.
a good writing.thanks for sharing
stay blessed

[sannan]

plz ustad-e-mohtaram ap na parrhna ap k sir pe se guzar jaye ga

acha jee

[sannan]

wese ap ki love at first sight ko jhutlane wali bat bilkul drust hai mera zati nazria b ye hai k physical appearence n good looks dusre number pe honi chahiyen sari bat kisi k kirdaar,adaat or tor tareeqon ki hoti hai,personally mujhe hamesha kisi ka dher sara knowledge impress kerta hai(ab koi machoo ban k with knowledge mujhe impress kerne na a jaye )

mairay toor tareeqay aur kirdar koi qabil-e-tareef naheen hay leekan loog phir bhi impress ho jatay hain
Bus yah dil ka muamla hota hay chughad iss main shakal-o-surat, zahanat koi maani naheen rakhti hay

[shazia rana]

mairay toor tareeqay aur kirdar koi qabil-e-tareef naheen hay leekan loog phir bhi impress ho jatay hain
Bus yah dil ka muamla hota hay chughad iss main shakal-o-surat, zahanat koi maani naheen rakhti hay

aik bat btain phir dil ka mamla kisi b qadar ya muhabbat kerne wale se q nai set hota,mera matlab dil ka mamla asal men kya hota hai?

[thefire1]

aur meray saath aap ki aur tamam muslamanoon ki bhi parayshaniyon ko door karay AMEEN SUM AMEEN

Allah app ki pareshani bhi dor karey Ameen SUma AMEEN

[thefire1]

Aap kay comments ka bohat bohat shukriya... sahii kaha aap nay kay mohabbat aik wasee samandar hay aur hum sab iss samandar main ghoutazann hain.....

Aur samandar main Tairna hay tou tairaaki per hi dihan rakha jaayay iss jitna GEHRAYII main jaayain gain, utna hi doobnay ka khatra hoga...... kehnay ka maqsad yeh hay kay apnay DIL ko RAHEEM rakhain aur nazroon ko KAREEM...... INSHALLAH safar acha tay hoga..... khush rahyeh

Walaikumusalam

kiya kahon ab main acha likha hai mohabbat to aik muqaddas jazba hai reham b hai par reham is ka aik juzv hosakta hai totally nahi hai mohabbat to aik sumander hai us main bohat sari cheezain ajati hain jinko alag alag explain karnay chalo to sadiyan lag jayen

[thefire1]

Aap ka point bhi bohat khoob hay..... bilkul sahii yeh bechaari mohabbat humaray jaisay hi insaanon kay qoul-o-amal main tazaaad ki waaja say badnaam hay..... aur ruswa hay!!

Woh kehtay hain na kay jab tak insaan kisi dhokay baaz say nahin milta ussay wafaadaar ki qadar nahin hotii, shayed yeh bhi imtihaan hi hay.... ALLAH SWT hum sab ko mehfooz rakhay AMEEN SUM AMEEN

Hum log sub yehe kehty hain k mohabbat aise hai waise hai...tu phir wo kaun log.hain ...jin ki.badolat mohabbat badnaam.hai...wo b hum mai se koi he nikley ga..jis j qol o tazad m farq hga...duniya k samne kia hga or khud andr se wo badbo dar khana hoga...

Sent from my HTC Desire S using Tapatalk 2

[thefire1]

Jee bilkul yehi fitnay aur beemaariyan humari nas nas main basi jaa rahii hain aur humara mazhabi aur saqafatii culture tays nays hota jaa raha hay..

Indira Gandhi nay apnay aik statement main kaha tha humain PAKISTAN say jang karnay ki koi zaroorat nahin, hum saqafatii tour per uss ko itna kamzoor kar dain gain kay woh log apnay pairoon per khaRay nahin rahaain gain.... wohi dour tha jab INDIAN films pakistan main aam hoyee aur aaj shayed koi aisa ghar hay Pakistan main jahan INDIAN dramay shouq say nahin dekhay jaatay........ Kumkum ki saaRi, kusam kay gehnay, aur aisay hi kitnay malboosaat hain jo humaray bazaaron main dastiyaab hain......!!!

May ALLAH SWT light and guide our ways AMEEN SUM AMEEN

Wa alaikum aslam

bilkul sahi kaha....... or is muhbt k naam per hmare mashry mai haqeeqtan beshumar fitny or buraiyan sar utha rahi hain..
or kbi kisi k srzinsh krne pr boht besharmi se keh dety hain muhabbat or jang mai sb kuch jaiz hai.
pta nhi is pakeeza jazbe ko itna pamal q krte hain log.
a good writing.thanks for sharing
stay blessed