Bila Unwaaan......!!!

[thefire1]

(yeh meray safar naamay main say aik dinn tha jo main nay SPAIN kay shaher Grenada, aur Kurtuba main guzaara, uss dinn ki aik dastaan main share kar raha hoon iss umeed kay saath kay yeh safar ki dastaan aap ko bohat kuch seekhnay aur samajhnay ka mouqa farahim karay giii.... aap say guzaarish hay kay iss dehan say paRhain... shurkiya)

Assalaam-O-alaikum SDians

Kehtay hain kay 1000KM ka safar tay kar loo yaa 3 kitaboon ka mutala'a kar loo, aik hi barabar hay.... kiyon 1000KM kay safar kay douraan aap ko jo maloomat aur jo experiences miltay hain wohii maloomaat 3 kitaaboon kay mutala'ay kay baraabar hotay hain.

Main nay bhi apnay safar main bohat kuch seekha, bohat say mazahib, saqaafat, zabaan, cuisines, aur aisi hi bohat see baatain samjhee jo zindagi main kahin na kahin kaam zaroor aatii hain....!

Yeh Juma mubarak ka dinn tha aur main bus main rawaa dawaan tha, yeh bus bohat hi luxury thii aur mera safar ka rukh tha 'Saville'... Saville jo kay SPAIN ka aik shaher hay jahan muslamaanon nay taqrrban 800 saal hukumat kii hay.... Saville ko pronounce karnay main issay 'Savaiyaa' baRha jaata hay (SPAINISH language main LL 'Ya' ki awaaz nikaalta hay) waisay muslamaanoon kay dour main yeh aik shehzadi ISBHILIYA kay naam say jaana jaata tha jo ISBHILIYA say change hotay hotay SAVILLE hogaya!!

Khair iss safar kay douraan meri mulaqat aik Pakistani nazaad Spanish laRkay say huyii woh Karachi ka hi rehnay waala tha magar barsoon say SPAIN main aabaad tha.... hum dono nay aik dosray ko deekha aur qudrati ankhon hi ankhoon main aik aqeedat ka rishta qayim kar lia....woh SPANISH zabaan per uboor haasil rakhta tha.... uss nay mujhay SPAIN main muslamanoon ki history kay baaray main bohat kuch bataaya, aisi aisi baatain bhi batayii jinn say main itni history ki kitaabon ko paRhnay ka baad bhi na-waaqif tha.... chand baatain yeh hain kay:

1. SPAIN main ARABIC ko khatam karnay ki bohat koshish kay bawajood bhi aaj bhi SPAIN ki zaban main 800 say ziyada alfaaaaz Arabic zabaan kay hain.

2. SPAIN per muslamaanoon nay 800 saal kay qareeb hukumat kii magar wahan musalmanoon ka aik bhi QABRASTAAN nahin hay!!
Aur aik bohat hi hairatnaak baat jiss kay jaannay kay baad mujhay andaaza hua kay hum kisi baat ki HISTORY ko samjhay baghair kiyon uss baat ko follow karnay lag jaatay hain aur baRii khushii say uss ka charcha kartay hain!!!

3. SPANISH muslamanoon ko MOSQUITO kay naam say pukartay thay issi waja say muslim Masajid ko MOUSQUE ka naam dia gaya aur aaj hum yeh lafz barha istimaal kartay hain yeh soch kar kay hum MASJID ki ENGLISH main translation kar rahay hain..... magar yeh translation nahin hay.... humarii MASJID english main bhi MASJID hii hay... jaisay bohat say humaray Arabic aur Urdu kay alfaaz hain jinn ki translation usi main hoti hay maslan DHOUTI, SHALWAR, waghaira!!

4. aur aik aur haqeeqat jiss ko sunnay kay baad mera dil doub sa gaya.... aur yaqeen karain aap bhi TAREEKH ka yeh DARK CHAPTER paRh kar bohat hairaan hongain.....

Yeh baat hay kay 2nd January 1492 main Spain kay last ruler nay SPANISH forces kay aagay surrnder kia aur Grenada (Jissay hum GARNATA) kay naam say jaantay hain Spanish forces kay haatm main day dia.... iss douran uss nay aik TREATY sign kii thii jiss ko spanish jo kay FAATIH thay nay honor nahin kia.... uss treaty kay mutaabiq MUSLAMANOON ko qatal nahin kia jaayay ga, unnki jayidad ko zabt nahin kia jaayay ga, unhain zabardasti convert nahin kia jaayay ga, jo yeh mulk chouR kar jaana chahay unhain 'free passage' dia jaayay ga, taakay woh Morocco jaa sakain....!!
Inn Christians nay yeh sharayit manzoor kii aur SPAIN waapis unnki taheweel main chal gaya.... iss muhaday kay baad, muslamanoon main jo log SPAIN chouR kar jaana chahtay thay unhain aik BOAT main sawar kia gaya jinn main LAST KING MOHAMMAD XII bhi tha aur uss kay saath uss ki MAA aur uss kay rishtay daar aur muslim fouj, uss kay mehyl main kaam karnay waalay... mehaz kaafi taadaad main muslamaan thay.... MUHAMMAD XII Spain say widaa hotay huway bohat roya, uss ki MAA nay uss mouqay per kaha kay 'Mujhay afsoos hay kay main nay tujh jaisay buzdill ko apni kookh say janam dia'

Khair iss SHIP ka rukhh Morocco tha.... magar samandar kay beech main hii iss per hamla kar kay iss SHIP ko SAMANDAR NAZAR kar dia gaya.... aur aaj bhi SPAIN balkay duniya waalay jinn main MUSLIM MUMALIK including PAKISTAN bhi shaamil hay woh dinn baRiii KHUSHI say aur DHATAYII say manaatay hain.... Jee haan woh manhoos tareekh jiss din MUSLAMANOO ko MUHAIDA kar kay FOOL banaya gaya thii 1st APRIL 1492!!!!!

May ALLAH Light and guide our ways AMEEN

FI amaan ALLAH

[Vampire]

walaikumusalam

kuch cheezain meko pehlay se pata theen kuch mazeed azafa hua thanks for sharing /up

[*jamshed*]

acha lekha hai

[sarfraz_qamar]

thanxx for sharinggg

[Hidden words]

2nd bat nai pata thi baqi sab ka pata tha mujhay
hairat hay 800 saal hakumat karnay k badh 1 b qaristan nahi hay wahan

[sannan]

jub bhi time mila zaroor parhoon ga

[shazia rana]

sab se pehle men hum dono ki aik harkat ki taraf point out karun gi k topic lagta hai cherr hai meri
ye books or travellin wali baat tu sahi kahi jese aj kal men paris ka safarnama parrh rai hun tu lag rha hai wohin phir rai hun bagher pese kharche
men ye history jan-ne se pehle b 1st april nai mnati thi jese velentine's day ki different histories hen wese mene b iski koi or e parrhi hai...mosquitos wala concept b ajeeb e hai allhamdolillah men wese masjid e kehti hun or itni herat hai k 800 saal hukumat k bawajood koi qabrastaan nai tu phir wo corps ka kya kerte the

[shazia rana]

jub bhi time mila zaroor parhoon ga

luch talne k liye time hota hai???

[sannan]

luch talne k liye time hota hai???

haan jee koi itnay pyaar say tag karay to hazri daina tou farz hota hay na

[thefire1]

Jee kitaabain paRhnay ka aur kitaabain paRh kar unn jaga jaanay ka maza hii alag hay... jaisay main nay kitaabon main paRha tha kay Ibn-e-batoota ki qabar MOROCCO main hay... aur woh bhi Tangier (TANJAAH) main.... bas phir kia tha, wahan poohancha aur bohat mushkil say poohancha..... yeh paRha tha kay Hazrat Haroon Alah-e-Salaam ki qabar mubarak PETRA main hay.... JORDON main aur wahan jaana bohat dushwaar hay... magar main wahan bhi poohancha....

Aap acha kaam kar rahii hain, humain aankh bandh kar kay kisi aur mazhab kay tou tareekay nahin apnaanay chayeh....

Meray uss Pakistani nazaad Spanish dost kay mutaaqbiq unn tamam qabroon per bulldozer chala diye gayay aur wahan zameen ko seedha kar dia gaya aur imaratain, baagh, malls waghaira main tabdeel kardiya gaya...!!

sab se pehle men hum dono ki aik harkat ki taraf point out karun gi k topic lagta hai cherr hai meri
ye books or travellin wali baat tu sahi kahi jese aj kal men paris ka safarnama parrh rai hun tu lag rha hai wohin phir rai hun bagher pese kharche
men ye history jan-ne se pehle b 1st april nai mnati thi jese velentine's day ki different histories hen wese mene b iski koi or e parrhi hai...mosquitos wala concept b ajeeb e hai allhamdolillah men wese masjid e kehti hun or itni herat hai k 800 saal hukumat k bawajood koi qabrastaan nai tu phir wo corps ka kya kerte the