ہرا ہرا مرا مصرع دکھائی دیتا ہے

[yawar azeem]

1غزل

میں پہلی بار اِس جنگل سے گزرا تھا تو سب ایسا نہیں تھا

یہاں کچھ کچھ پرندے بولنے والے تھے ، سناٹا نہیں تھا

Ù…Ø+بت Ù†Û’ مجھے قید ِ عناصر سے بہت Ø¢Ú¯Û’ بُلایا

مگر میں اپنی مٹی کے شکنجے سے نکل پایا نہیں تھا

اِسی نقارخانے سے مجھے تربیت ِ فن مل رہی تھی

میں اپنے شعر کا ڈنکا بجانا سیکھ کر آیا نہیں تھا

یہ تُو نے کس لیے آنچل پہ تازہ خواہشوں کے پھول کاڑھے

ترے پلو سے کیا باندھا ہُوا وہ ریشمی وعدہ نہیں تھا

بقدر ِ آرزو میرا سمندر سے تعلق تھا نہ لیکن

میں اُتھلے پانیوں سے اپنا رشتہ جوڑنے والا نہیں تھا

مری تقدیر میں کُچھ سرفرازی Ú©Û’ ہرے لمØ+Û’ Ù„Ú©Ú¾Û’ تھے

نمو پاتے ہی جو پامال ہو جائے میں وہ سبزہ نہیں تھا

خموشی ، برف کے مانند ہونٹوں پر دھری رہتی تھی یاور

گلابی لفظ کے باہر نکلنے کا کوئی رستہ نہیں تھا

یاور عظیم

2غزل

نئے نظام کی جو ابتداء نہیں کرتی

وہ قوم اپنا فریضہ ادا نہیں کرتی

میں آسماں سے بغلگیر ہونا چاہتا ہوں

زمین ، اپنی کشش سے رہا نہیں کرتی

جو روشنی ہے تہ ِ Ø+رف ِ مدعا ØŒ موجود

ستارگاں کے لبوں پر کِھلا نہیں کرتی

سو اب لہو سے رقم کی گئی ہے دستاویز

یقین ورنہ یہ خلق ِ خدا نہیں کرتی

دعا کے پاس نہیں ہے کلید ِ بست و کشود

دعا تو باب ِ اجابت کو وا نہیں کرتی

ہرا ہرا مرا مصرع دکھائی دیتا ہے

یہ بات کیا مجھے سب سے جُدا نہیں کرتی

سجا دیا ہے کتابوں کو شیلف میں یاور

مطالعے کی فراغت ملا نہیں کرتی

یاور عظیم

3غزل

آنکھ کو اشکوں کی مالا دے کے رُخصت ہو گیا

وہ ہمیں کیا خوب تØ+فہ دے Ú©Û’ رُخصت ہو گیا

کس کی آہٹ رات بھر مصرع کشی کرتی رہی

کون سناٹوں کو لہجہ دے کے رخصت ہو گیا

صبØ+ Ú©ÛŒ پہلی کرن Ú©Û’ جاگنے میں دیر تھی

چاند ، پیشانی پہ بوسہ دے کے رخصت ہو گیا

آسماں کو اک ذرا چھونے کی خواہش دل میں تھی

وہ مجھے خوابوں کا زینہ دے کے رخصت ہو گیا

جو کھڑا تھا ایک سنگ ِ راہ بن کر سامنے

وہ بھی آخر مجھ کو رستہ دے کے رُخصت ہو گیا

جس نے کھائی تھی سفر میں ساتھ دینے کی قسم

دو قدم مجھ کو سہارا دے کے رُخصت ہو گیا

وا کیا میں نے قفس کے باب کو یاور عظیم

اور دعا کوئی پرندہ دے کے رخصت ہو گیا

یاور عظیم

[James Bond]

Bohat alaa sir

[Usm@n Butt]

[aries star]

Log kehte hain mohabbat main assar hota hai,
Kon se sheher mein hota hai, kidhar hota hai ???

[nizamuddin]

بہت اعلیٰ