apne hathon main basa le mujh ko

[~*zaib*~]

Apne Haathon ki Lakeeron main Basa le Mujh ko
Main hoon Tera to, Naseeb apna bana le Mujh ko

Main jo Kaanta hoon to, chal Mujh se bacha ker Daman
Main hon agar Phool, to Jorey main saja le Mujh ko

Main khule Darr k kisi Ghar ka hoon Samaan, Pyare!
Tu dabey Paaon kabi aake Chura le Mujh ko

Mujh se Tu puchne aaya hai Wafa k Ma'ani
Ye Teri Sada-Dili na Maar dale Mujh ko

Main Samandar b hoon, Moti b hoon, Gota-zann b
Koi bhi Naam le ke Bula le Mujh ko

Khood ko Main Baant na daloon kahin, Daman Daman
Kardia Tu ne jo Agar Mere hawale Mujh ko

Bada phir Bada hai, Main Zehar b p jaaon
Shart ye hai k koi Baahon main sanbhale Mujh ko.

[~*Rano*~]

buhat achi hai...

[~*zaib*~]