ALLAH Bhi Mill Jaaye Ga
Allah se hamesha khobsorat gumaan rakho, faqat aik wohi zaat hai jo andheron mein diya jalaye rakhnay par Qadir hai. bas wohi hai jo muztarib dilon ko sukoon bkhshta hai. wohi hai jo' kuch nahi' se' kuch' copy karta hai. aur' kuch' ko' kuch nahi' karta hai. wohi hai jo dilon ki duniya par qaabiz hai, jisko jaisay chahay palat day. wohi to hai ke uskay jaissa koy nahi. uskay siwa koy nahi, uska koy shareek nahi. aik wohi to hai jis ne apni pehchan ke liye tumhe chuna, tumhe banaya. apne parday tumahray samnay dhar dyie tumahray dil mein apni lagan bhar di, tumahray andar jazbun ko mehmeez kar diya. ab tum usay kisi buth mein dhuundo, kisi sanam mein dhuundo, pesey mein dhuundo, Jah mein dhuundo, quran mein dhuundo, sjday mein dhuundo, buut khanaay mein dhuundo, mikhane mein dhuundo, zamee mein dhuundo, aasmaa mein dhuundo, chiryon ke chechane, sitaron ke tmtmane mein dhuundo, muskaan ke khil uthnay ya ashqo ke jilmilanay mein dhuundo, khud mein dhuundo, jahan mein dhuundo, woh har ja jlwa numa hai, bas woh taab mango, bas woh aankhh mango, usko wohi dekh sakta hai jisay woh apna aap dikhnana chahay, is' ' chahay' ' mein uski chaah hai so uski chaah ke liye apni' ' mein' ' qurbaan karo, uski chaah mango. . ! Allah se uski chaah mango! Allah bhi mil jaye ga
Reply With Quote
