Shohar Ki Gairat
shohar ki ghairat
woh mukammal parday ke aalam mein qaazi ke samnay khari thi. is ney apne shohar ke khilaaf muqadma daiir kar rkha tha. muqadmay ki noiyat barri ajeeb thi ke mere shohar ke zimma mehar ki 500 dinar raqam wajib hai woh ada nahi kar raha. lehaza mjhe mehar ki raqam dilae jaye
.. qaazi ney khawand se poucha to is ney inkaar kar diya. adalat ney aurat se gawah talab kiye. . aurat ney chand gawah adalat mein paish kar diye. . .
gawahoon ney kaha :" hum is aurat ka chehra dekh kar hi bta satke hain ke yeh waqai woh aurat hai jis ki gawahi dainay hum aeye hain. lehaza aurat ko hukum diya jaye ke woh apne chehray se naqaab htaye. "
adalat ney hukum diya ke aurat apne chehray se naqaab utaarey taakay gawah shanakht kar saken. adhr aurat tazabzub ka shikaar thi ke woh naqaab utaarey ya nahi. .. . gawah apne muaqqaf par misar the. .
achanak is ke shohar ney ghairat mein aakar kaha" mujhe qattan yeh bardasht nahi ke koi ghair Mehram meri biwi ka chehra dekhe. .. lehaza gawahoon ko chehra dekhne ki zaroorat nahi. . waqai is ke mohar ki raqam mere zimma wajib hai. . .
adalat abhi‬ faisla dainay wali hi thi ke woh aurat bol uthi. .! !
" agar mera shohar kisi ko mera chehra dikhlana bardasht nahi karta to mein bh‬ uski tauheen bardasht nahi kar sakti. mein apna mohar maaf karti hon. mein ghalti par thi jo aisay shakhs ke khilaaf muqadma dair kya. . "
[ yeh waqea Ibn Jozi ki kitaab" almuntazim fi tareekh الامم والملوک" 403 / 12 mein dekha ja sakta hai. .. makhoz az sunehri kiranen ]
Reply With Quote
