ﺣﻀﺮﺕ ﯾﺤﯿﯽٰ ﺑﻦ ﺍﯾﻮﺏ ﺧﺰﺍﻋﯽ ﺳﮯ ﻣﺮﻭﯼ ﮨﮯ ﮐﮧ ﺣﻀﺮﺕ ﻋﻤﺮ ﺭﺿﯽ ﺍﻟﻠﮧ ﻋﻨﮧ ﮐﮯ ﺯﻣﺎﻧﮧ ﻣﯿﮟ ﺍﯾﮏ ﭘﺮﮨﯿﺰ ﮔﺎﺭ ﺟﻮﺍﻥ ﺗﮭﺎ، ﻭﮦ ﻣﺴﺠﺪ ﻣﯿﮟ ﮔﻮﺷﮧ ﻧﺸﯿﻦ ﺭﮨﺘﺎ ﺗﮭﺎ ﺍﻭﺭ ﺍﻟﻠﮧ ﺗﻌﺎﻟﯽٰ ﮐﯽ ﻋﺒﺎﺩﺕ ﻣﯿﮟ ﻣﺼﺮﻭﻑ ﺭﮨﺘﺎ ﺗﮭﺎ۔ ﺣﻀﺮﺕ ﻋﻤﺮ ﺭﺿﯽ ﺍﻟﻠﮧ ﻋﻨﮧ ﮐﻮ ﻭﮦ ﺷﺨﺺ ﺑﮩﺖ ﭘﺴﻨﺪ ﺗﮭﺎ۔ ﺍﺱ ﺟﻮﺍﻥ ﮐﺎ ﺑﻮﮌﮬﺎ ﺑﺎﭖ ﺯﻧﺪﮦ ﺗﮭﺎ ﺍﻭﺭ ﻭﮦ ﺷﺨﺺ ﻋﺸﺎﺀﮐﮯ ﺑﻌﺪ ﺍﭘﻨﮯ ﺑﻮﮌﮬﮯ ﺑﺎﭖ ﺳﮯ ﻣﻠﻨﮯ ﺭﻭﺯﺍﻧﮧ ﺟﺎﯾﺎ ﮐﺮﺗﺎ ﺗﮭﺎ۔ ﺭﺍﺳﺘﮧ ﻣﯿﮟ ﺍﯾﮏ ﻋﻮﺭﺕ ﮐﺎ ﻣﮑﺎﻥ ﺗﮭﺎ، ﻭﮦ ﺍﺱ ﺟﻮﺍﻥ ﭘﺮ ﻓﺮﯾﻔﺘﮧ ﮨﻮ ﮔﺌﯽ ﺍﻭﺭ ﺑﮩﮑﺎﻧﮯ ﻟﮕﯽ، ﺭﻭﺯﺍﻧﮧ ﺩﺭﻭﺍﺯﮮ ﭘﺮ ﮐﮭﮍﯼ ﺭﮨﺘﯽ ﺍﻭﺭ ﺟﻮﺍﻥ ﮐﻮ ﺩﯾﮑﮫ ﮐﺮ ﺑﮩﮑﺎﯾﺎ ﮐﺮﺗﯽ۔ ﺍﯾﮏ ﺭﺍﺕ ﺍﺱ ﺷﺨﺺ ﮐﺎ ﮔﺰﺭ ﮨﻮﺍ ﺗﻮ ﺍﺱ ﻋﻮﺭﺕ ﻧﮯ ﺑﮩﮑﺎﻧﺎ ﺷﺮﻭﻉ ﮐﯿﺎ ﯾﮩﺎﮞ ﺗﮏ ﮐﮧ ﻭﮦ ﺷﺨﺺ ﺍﺱ ﮐﮯ ﭘﯿﭽﮭﮯ ﮨﻮ ﮔﯿﺎ،ﺟﺐ ﻭﮦ ﺍﺱ ﻋﻮﺭﺕ ﮐﮯ ﺩﺭﻭﺍﺯﮮ ﭘﺮ ﭘﮩﻨﭽﺎ ﺗﻮ ﭘﮩﻠﮯ ﻋﻮﺭﺕ ﺍﭘﻨﮯ ﻣﮑﺎﻥ ﻣﯿﮟ ﺩﺍﺧﻞ ﮨﻮ ﮔﺌﯽ ﭘﮭﺮ ﯾﮧ ﺷﺨﺺ ﺑﮭﯽ ﺩﺍﺧﻞ ﮨﻮ ﻧﮯ ﻟﮕﺎ
، ﺍﭼﺎﻧﮏ ﺍﺱ ﻧﮯ ﺍﻟﻠﮧ ﺗﻌﺎﻟﯽٰ ﮐﻮ ﯾﺎﺩ ﮐﯿﺎ ﺍﻭﺭ ﯾﮧ ﺁﯾﺖ ﺍﺱ ﮐﯽ ﺯﺑﺎﻥ ﺳﮯ ﺑﮯ ﺳﺎﺧﺘﮧ ﺟﺎﺭﯼ ﮨﻮ ﮔﺌﯽ ” ۔ﺍِﻥَّ ﺍﻟَّﺬِﯾﻦَ ﺍﺗَّﻘَﻮﺍ ﺍِﺫَﺍ ﻣَﺴَّﮭُﻢ ﻃَﺎﺋِﻒ ﻣِّﻦَ ﺍﻟﺸَّﯿﻄَﺎﻥِ ﺗَﺬَﮐَّﺮُﻭﺍ ﻓَﺎِﺫَﺍ ﮬُﻢ ﻣُﺒﺼِﺮُﻭﻥَ (ﺍﻋﺮﺍﻑ201 ) ”ﺑﮯ ﺷﮏ ﺟﻮ ﻟﻮﮒ ﺧﺪﺍ ﺳﮯ ﮈﺭﺗﮯ ﮨﯿﮟ ﺟﺐ ﺍﻧﮩﯿﮟ ﺷﯿﻄﺎﻥ ﭼﮭﻮﺗﺎ ﮨﮯ ﻭﮦ ﭼﻮﻧﮏ ﺟﺎﺗﮯ ﮨﯿﮟ ﺍﻭﺭ ﺍﻥ ﮐﯽ ﺁﻧﮑﮭﯿﮟ ﮐﮭﻞ ﺟﺎﺗﯽ ﮨﯿﮟ۔“ ﺍﻭﺭ ﭘﮭﺮ ﻏﺶ ﮐﮭﺎ ﮐﺮ ﻭﮨﯿﮟ ﺩﺭﻭﺍﺯﮮ ﭘﺮ ﮔﺮ ﭘﮍﺍ۔ ﺍﻧﺪﺭ ﺳﮯ ﻋﻮﺭﺕ ﺁﺋﯽ، ﯾﮧ ﺩﯾﮑﮫ ﮐﺮ ﮐﮧ ﺟﻮﺍﻥ ﺍﺱ ﮐﮯ ﺩﺭﻭﺍﺯﮮ ﭘﺮ ﺑﮯ ﮨﻮﺵ ﭘﮍﺍ ﮨﮯ، ﺍﺱ ﮐﻮ ﺍﭘﻨﮯ ﺍﻭﭘﺮ ﺍﻟﺰﺍﻡ ﺁﻧﮯ ﮐﺎ ﺍﻧﺪﯾﺸﮧ ﮨﻮﺍ۔ ﭼﻨﺎﻧﭽﮧ ﺍﺱ ﻧﮯ ﺍﭘﻨﯽ ﺍﯾﮏ ﻟﻮﻧﮉﯼ ﮐﯽ ﻣﺪﺩ ﺳﮯ ﺍﺱ ﺟﻮﺍﻥ ﻣﺮﺩ ﮐﻮ ﻭﮨﺎﮞﺴﮯ ﺍﭨﮭﺎ ﮐﺮ ﺍﺱ ﮐﮯ ﺩﺭﻭﺍﺯﮮ ﭘﺮ ﮈﺍﻝ ﺩﯾﺎ۔
ﺍﺩﮬﺮ ﺑﻮﮌﮬﺎ ﺑﺎﭖ ﺍﭘﻨﮯ ﻟﮍﮐﮯ ﮐﯽ ﺁﻣﺪ ﮐﺎ ﻣﻨﺘﻈﺮ ﺗﮭﺎ، ﺟﺐ ﺑﮩﺖ ﺩﯾﺮ ﺗﮏ ﻭﮦ ﻧﮧ ﺁﯾﺎ ﺗﻮ ﺍﺱ ﮐﯽ ﺗﻼﺵ ﻣﯿﮟ ﮔﮭﺮ ﺳﮯ ﻧﮑﻼ، ﺩﯾﮑﮭﺎ ﮐﮧ ﺩﺭﻭﺍﺯﮮ ﭘﺮ ﺑﮯ ﮨﻮﺵ ﭘﮍﺍ ﮨﮯ۔ ﺑﻮﮌﮬﮯ ﻧﮯ ﺍﭘﻨﮯ ﮔﮭﺮ ﻭﺍﻟﻮﮞ ﮐﻮ ﺑﻼﯾﺎ، ﻭﮦ ﺍﺱ ﮐﻮ ﺍﭨﮭﺎ ﮐﺮ ﺍﭘﻨﮯ ﮔﮭﺮ ﮐﮯ ﺍﻧﺪﺭ ﻟﮯ ﮔﺌﮯ۔ ﺭﺍﺕ ﮐﻮ ﻭﮦ ﺟﻮﺍﻥ ﮨﻮﺵ ﻣﯿﮟ ﺁﯾﺎ۔ ﺑﺎﭖ ﻧﮯ ﭘﻮﭼﮭﺎ ﺑﯿﭩﺎ! ﺗﺠﮭﮯ ﮐﯿﺎ ﮨﻮ ﮔﯿﺎ ﮨﮯ؟ ﺍﺱ ﻧﮯ ﺟﻮﺍﺏ ﺩﯾﺎ، ﺧﯿﺮﯾﺖ ﮨﮯ۔ ﺑﺎﭖ ﻧﮯ ﻭﺍﻗﻌﮧ ﮐﯽ ﺣﻘﯿﻘﺖ ﺩﺭﯾﺎﻓﺖ ﮐﯽ ﺗﻮ ﺍﺱ ﻧﮯ ﭘﻮﺭﺍ ﻭﺍﻗﻌﮧ ﺑﯿﺎﻥ ﮐﺮ ﺩﯾﺎ،ﭘﮭﺮ ﺑﺎﭖ ﻧﮯ ﭘﻮﭼﮭﺎ ﻭﮦ ﮐﻮﻥ ﺳﯽ ﺁﯾﺖ ﺗﮭﯽ ﺟﻮ ﺗﻮ ﻧﮯ ﭘﮍﮬﯽ ﺗﮭﯽ؟ ﯾﮧ ﺳﻦ ﮐﺮ ﺑﯿﭩﮯ ﻧﮯ ﻣﺬﮐﻮﺭﮦ ﺑﺎﻻ ﺁﯾﺖ ﭘﮍﮪ ﮐﺮ ﺳﻨﺎ ﺩﯼ ﺍﻭﺭ ﭘﮭﺮ ﺑﮯ ﮨﻮﺵ ﮨﻮ ﮐﺮ ﮔﺮ ﭘﮍﺍ، ﺍﺱ ﮐﻮ ﮨﻼﯾﺎ ﮔﯿﺎ ﺗﻮ ﻣﻌﻠﻮﻡ ﮨﻮﺍ ﮐﮧ ﻭﮦ ﻣﺮ ﭼﮑﺎ ﮨﮯ، ﭼﻨﺎﻧﭽﮧ ﺭﺍﺕ ﮨﯽ ﮐﻮ ﺩﻓﻦ ﮐﺮ ﺩﯾﺎ ﮔﯿﺎ۔
ﺟﺐ ﺻﺒﺢ ﮨﻮﺋﯽ ﺍﻭﺭ ﺣﻀﺮﺕ ﻋﻤﺮ ﺭﺿﯽ ﺍﻟﻠﮧ ﻋﻨﮧ ﮐﻮ ﺍﺱ ﮐﮯ ﺍﻧﺘﻘﺎﻝ ﮐﯽ ﺧﺒﺮﻣﻠﯽ ﺗﻮ ﻣﺮﺣﻮﻡ ﮐﮯ ﺑﻮﮌﮬﮯ ﺑﺎﭖ ﮐﮯ ﭘﺎﺱ ﺗﻌﺰﯾﺖ ﮐﯿﻠﺌﮯ ﮔﺌﮯ، ﺗﻌﺰﯾﺖ ﮐﮯ ﺑﻌﺪ ﺷﮑﺎﯾﺖ ﮐﯽ ﮐﮧ ﻣﺠﮭﮯ ﺧﺒﺮ ﮐﯿﻮﮞ ﻧﮧ ﺩﯼ۔ ﺍﺱ ﻧﮯ ﮐﮩﺎ ﺍﻣﯿﺮ ﺍﻟﻤﻮﻣﻨﯿﻦ!ﺭﺍﺕ ﮨﻮﻧﮯ ﮐﯽ ﻭﺟﮧ ﺳﮯ ﺍﻃﻼﻉ ﻧﮧ ﺩﮮ ﺳﮑﮯ۔ ﺣﻀﺮﺕ ﻋﻤﺮ ﺭﺿﯽ ﺍﻟﻠﮧ ﻋﻨﮧ ﻧﮯ ﻓﺮﻣﺎﯾﺎ، ﻣﺠﮭﮯ ﺍﺱ ﮐﯽ ﻗﺒﺮ ﭘﺮ ﻟﮯ ﭼﻠﻮ۔
ﻗﺒﺮ ﭘﺮ ﺟﺎ ﮐﺮ یہ آیت تلاوت فرمائی، ﺍﮮ "ﺷﺨﺺ ﻭَﻟِﻤَﻦ ﺧَﺎﻑَ ﻣَﻘَﺎﻡَ ﺭَﺑِّﮧِ ﺟَﻨَّﺘَﺎﻥِ ”ﺍﻭﺭ ﺍﺱ ﺷﺨﺺ ﮐﯿﻠﺌﮯ ﺟﻮ ﺧﺪﺍ ﺳﮯ ﮈﺭﺗﺎ ﮨﮯ ﺩﻭ ﺑﺎﻍ ﮨﯿﮟ-(“ﺍﻟﺮﺣﻤﻦ) ﺍﺱ ﺷﺨﺺ ﻧﮯ ﻗﺒﺮ ﮐﮯ ﺍﻧﺪﺭ ﺳﮯ ﺟﻮﺍﺏ ﺩﯾﺎ۔ ﯾَﺎ ﻋُﻤَﺮُ ﻗَﺪ ﺍَﻋﻄَﺎﻧِﯿﮭَﺎ ﺭَﺑِّﯽ ﻓِﯽ ﺍﻟﺠَﻨَّﺔِ۔”ﺍﮮ ﻋﻤﺮ ﺍﻟﻠﮧ ﻧﮯ ﻣﺠﮭﮯ ﺩﻭﻧﻮﮞ ﺟﻨﺘﯿﮟ ﺩﮮ ﺩﯼ ﮨﯿﮟ۔“ (ﺍﺑﻦ ﻋﺴﺎﮐﺮ ،ﻣﻮﺕ ﮐﺎ ﺟﮭﭩﮑﺎ367 )
* خاک نشین *
Maut Ka Jhatka
Posting Permissions
Reply With Quote