" aap jannat ke pattay kisay kehte hain? "
Ahmed ne gehri saans li aur kehnay laga .
" aap janti hain, jab aadam alaihi salam aur Hawa jannat mein raha karte thay, is jannat mein, jahan nah bhook thi, nah pyaas, nah dhoop aur nah hi barhanghi. tab Allah ne inhen aik targheeb dilatey darakht ke qareeb jane se roka tha, taakay woh dono museebat mein nah par jayen. "
woh saans lainay ko ruka .
" is waqt shetan ne un dono ko targheeb dilae ke agar woh is hameshgi ke darakht ko chhoo len to farishtay ban jayen ge. inhen kabhi nah purani honay wali badshahat miley gi. so unhon ne darakht ko chakh liya. had paar kar li. .. to un ko foran be libaas kar diya gaya. is pehli ruswai mein woh sab se pehli shai jis se insaan ne khud ko dhakka tha, woh jannat ke pattay thay, waraq uljannat"
" aap janti hain, iblees ne insaan ko kis shai ki targheeb dila kar Allah ki had paar karwai thi ?
farishta ban'nay ki aur hamesha rehne ki .
janti hain haya! farishtay kaisay hotay hain? "
is ne nifi mein gardan hilai, go ke woh janti thi ke woh usay dekh nahi sakta .
" farishtay khoob soorat hotay hain." woh lamhay bhar ko ruka." aur hamesha ki badshahat kisay millti hai? kon hamesha ke liye amar ho jata hai? woh jisay log bhool nah saken, jo inhen mashooor kar day, un ke dilon pay qabza kar le. khoob soorti aur amar honay ki chaah, yeh dono cheeze insaan ko dhokay mein daal kar mamnooa had paar karati hain aur phal khanay ka waqt nahi milta. insaan chahkte hi bhari duniya mein ruswa ho jata hai. is waqt agar woh khud ko dhake to usay dhaknay walay jannat ke pattay hotay hain. log usay kapray ka tukda kahin ya kuch aur, mere nazdeek yeh waraq Aljannat hain. "
( Nimra Ahmed ke novel' ' jannat ke pattay' ' se iqtabas )
* خاک نشین *
Jannat Ke Pattay
Posting Permissions
Reply With Quote
