Suno yeh waqt_e_rukhsat hai,sakoot_e_safr tari hai
Khatam umro'n ka zar,baqi lamho'n ki rezgari hai
Suno aankhain to gumsum hain,dilo'n main aah_o_zari hai
Suno ye zabt ka mousam nahi,bay ikhtiari hai
Suno ye aas ki dori utha lo hath se mery
Mere hathon main kache dhagon ki be aitbari hai
Suno main khuwab ab bhi dekhti hoon dil ke kehne se
Meri aankhon main ab bhi zakhm,dil may beqarari hai
Suno ye raz bhi sun lo ke dil ka khel jitna tha
Ye bazi tum ne jiti hai,hamesha ham ne hari hai
Suno tum sath rehte thay meri har ek sans may
Tumhare nam karti hon jahan jitni guzari hai
Suno aankhon se parh lena wo sari an-kahi batain
Koi pochay to keh dena,bohat hi razdari hai
Suno palkon pe jitne khuwab the unko utha lena
Meri aankhon pe inka bojh meri taqat se bhari hai
Suno doori se ghabra kar hamain awaz delena
Magar yeh rabta dil ka bashart_e_astawari hai
Suno hum lotne wale nahi ,sab keh lo sun lo aaj
Bohat hi door jana he,barri lambi udari hai
Suno ye waqt_e_ rukhsat hai,suno ye hurf_e_aakhir hai
Suno ye dard hijar ka har ek hijrat se kari hai...!!!
Reply With Quote