T 20 2nd Match Pak / Newzelend

[Mohammad Sajid]

دبئی: پاکستان اور نیوزی لینڈ کے درمیان 2 میچز پر مشتمل ٹی ٹوئنٹی سیریز کا دوسرا میچ آج کھیلا جائے گا۔

پاکستانی وقت کے مطابق میچ رات 9 بجے شروع ہوگا جب کہ میچ سے قبل دبئی انٹرنینشنل کرکٹ اسٹیڈیم میں تمام تر انتظامات مکمل کرلئے گئے ہیں۔ پاکستان کی جانب سے کپتان شاہد خان آفریدی ٹیم کی قیادت کریں گے اور ممکنہ طور پر پہلے ٹی ٹوئنٹی میچ کی فاتح ٹیم کو ہی دوسرے میچ میں بھی میدان میں اتارا جائے گا۔

قومی ٹیم میں احمد شہزاد، انور علی، اویس ضیا، حارث سہیل، محمد حفیظ، محمد عرفان، رضا حسن، سعد نسیم، سرفراز احمد، سہیل تنویر، عمر اکمل، عمر گل اور وہاب ریاض شامل ہیں تاہم ٹیم میں کسی تبدیلی کا امکان نہیں جب کہ مہمان نیوزی لینڈ کین ولیمسن کی قیادت میں میچ جیتنے کی کوشش کرے گی، کیویز کے اسکواڈ میں کوری اینڈریسن، مارٹن گپٹل، روز ٹیلر،ڈینئل ویٹوری، ڈین برون لی، انٹولن ڈیوچ، میٹ ہینری، ٹام لیتھم، مچل میکلنگم، نیتھن میکولم، کائل ملز، ایڈم ملنی، جیمس نیشام اور لیوک رونچی شامل ہیں۔

واضح رہے کہ گزشتہ روز کھیلے گئے پہلے ٹی ٹوئنٹی میں پاکستان نے مہمان نیوزی لینڈ کو 7 وکٹوں سے شکست دے کر سیریز میں 0-1 کی برتری حاصل کرلی تھی

[Mohammad Sajid]

دبئی: دوسرے ٹی ٹوئنٹی میچ میں نیوزی لینڈ نے پاکستان کو جیت کے لئے 145 رنز کا ہدف دے دیا۔

دبئی انٹرنیشنل کرکٹ اسٹیڈیم میں کھیلے جارہے میچ میں نیوزی لینڈ نے بیٹنگ کا آغاز مثبت انداز میں کیا اور کپتان کین ولیمسن اور اینٹن ڈیوچچ نے محتاط انداز میں بیٹنگ کرتے ہوئے 49 رنز کی شراکت قائم کی تاہم پھر اینٹن ڈیوچچ 21 رنز بنانے کے بعد محمد حفیظ کی گیند پر بولڈ ہوگئے، نیوزی لینڈ کی دوسری وکٹ صرف ایک رن کے اضافے سے گری اور 50 کے مجموعی اسکور پر ڈین براؤن لائی بغیر کوئی رن بنائے پویلین لوٹ گئے جس کے بعد وقفے وقفے سے وکٹیں گرنے کا سلسلہ جاری رہا اور 58 رنز کے مجموعے پر نیوزی لینڈ کی جانب سے سب سے زیادہ رنز بنانے والے کین ولیمسن بھی 32 رنز بنا کر شاہد آفریدی کی گیند پر بولڈ ہوگئے۔

نیوزی لینڈ کے چوتھے آؤٹ ہونے وال کھلاڑی روس ٹیلر تھے جو 7 رنز بنا کر آؤٹ ہوئے جبکہ ٹام لیتھم 26، لوک رونکی 31، ڈینئل ویٹوری صفر اور نیتھن میک کولم 4 رنز بنا کر آؤٹ ہوئے۔ پاکستان کی جانب سے کپتان شاہد آفریدی اور عمر گل نے 2، 2 جبکہ سہیل تنویر، رضا حسن اور محمد حفیظ نے ایک، ایک وکٹ حاصل کی۔

واضح رہے کہ گزشتہ روز کھیلے گئے پہلے ٹی ٹوئنٹی میچ میں پاکستانی شاہینوں نے نیوزی لینڈ کو 7 وکٹوں سے شکست دے کر 2 میچوں کی سیریز میں 0-1 کی برتری حاصل کرلی تھی۔

[Chandbhai]

Nice