Urdu Zuban

[Mohammad Sajid]

Purane zamane ke aik ustaad sahib barri saqeel qisam ki urdu bola karte thay aur un ki apne shagrdon ko bhi naseehat thi ke jab bhi baat karni ho to tashbihaat, istaarat, mahawraat aur zarb al misaal se aarasta perasta urdu zabaan istemaal kya karo .


aik baar doranِ tadrees yeh ustaad sahib huqqa pi rahay thay unhon ne jo zor se huqqa gurguraya to achanak chlm se aik chingari udi aur ustaad jee ki pagri par ja pari. aik shagird ijazat le kar uth khara howa aur
barray adab se goya howa


." huzoor wala,! yeh bandah nacheez haqeer faqeer, par taqseer aik rooh farsaa haqeeqat huzoor ke gosh guzaar karne ki jasaarat kar raha hai. woh yeh ke aap lag bhag nisf ghanta se haq huqqa noshi ada farma rahay hain. chand sanie qabal aik shararti aatshi patangha aap ki chlm se buland ho kar chand lamhay howa mein sakit raha aur phir aap ki Dastaar fazeelat par Barajman ho gaya. agar is fitnah ki Bar waqt aur fi alfoor srkobi nah ki gayi to huzoor wala ki jaan ko shadeed khatraat la-haq ho satke hain

[Usm@n Butt]

[Mohammad Sajid]

Shukriya