Saeed Ajmal

[Mohammad Sajid]

کمیٹی بائولنگ ایکشن کی رپورٹس کاتفصیلی جائزہ اوربائولرکے ایکشن کی جانچ کرے گی ایکشن کلیئرہونے پرڈومیسٹک کرکٹ کھیلیں گے بصورت دیگرپریکٹس کرینگے :ذرائع

لاہور (سپورٹس رپورٹر) آف سپنر سعید اجمل لندن میں ٹریننگ کے بعد و طن واپس پہنچ گئے ۔قومی کرکٹر گزشتہ روز علی الصبح لاہور پہنچے جہاں سے وہ اپنے آبائی شہر فیصل آباد چلے گئے ۔سعید اجمل نے پی سی بی کی ہدایات کے تحت میڈیا سے بات کرنے سے معذرت کر لی اور کہا کہ وہ سوموار کے روز نیشنل کرکٹ اکیڈمی میں رپورٹ کریں گے اور باؤلنگ ایکشن کمیٹی کے سامنے پیش ہونے کے بعد ہی بورڈ کی اجازت سے میڈیا سے گفتگو کریں گے ۔بورڈ ذرائع کے مطابق پی سی بی کی باؤلنگ ایکشن کمیٹی سعید اجمل کے انگلینڈ میں کئے جانے والے باؤلنگ ٹیسٹوں کی رپورٹس کا تفصیلی جائزہ لے گی اوربعدمیں سعید اجمل کے موجودہ باؤلنگ ایکشن کی بھی جانچ کی جائے گی جس کے بعد ان کی مزید ٹریننگ یا ڈومیسٹک کرکٹ میں شرکت کے بارے میں شیڈول ترتیب دیا جائیگا۔ ذرائع کے مطابق انگلینڈ میں کرائے گئے ٹیسٹ میں سعید اجمل کے ایکشن میں آف سپن بال پر ان کی کہنی کا خم اب 15 ڈگری سے کم ہو گیا ہے ۔ باؤلنگ ایکشن کمیٹی کے جائزے کے بعدحتمی صورتحال سامنے آ سے گی۔ اگر سعید اجمل کا ایکشن 15 ڈگری سے زیادہ ہوا تو وہ ڈومیسٹک کرکٹ بھی نہیں کھیل سکیں گے اور مزید ٹریننگ کریں گے تاہم کہنی کا خم 15 ڈگری سے کم ہونے کی صورت میں وہ اے ڈی بی پی کی جا نب سے ڈومیسٹک ٹورنامنٹ کھیلیں گے

[Chandbhai]

Hmm