gehma gehmi kesi hai

[aries star]

Gehma Gehmi Kesi hai

Poet: Shams Bhopali

By: Shahkosh

Gehma Gehmi Kesi Hai Yeh, Shor-O-Ghul Yeh Kesa Hai
Woh Bhi Ek Insaan Hai Aakhir, Woh Bhi Apne Jesa Hai

Us Mein Kya Hein Ratan Koi, Yaa Chaandi Sone Jesa Hai
Mitti Ka Putla Hai Woh Bhi, Jese Sab Hein Wesa Hai

Kitni Aao-Bhagat Hai Us Ki, Kitni Khaatirdaari Hai
Baat Faqat Itni Hai, Uske Paas Ziyaadah Paisa Hai

Jese Too Ne Beej Hein Boye, Wesi Aakhir Fasal Ugaygi
Dost Yahi Hai Talkh Haqeeqat Ki Jese Ko Tesa Hai

Bheed Ki Koi Qadr Nahin, Hai Bheed Lagane Waalo'n Ki
Shams Yeh Baat Hai Bilkul Sachchi, Ab Hota Hi Aisa Hai.

[aries star]

Nasha pila kar girana to sab ko aata hai
Maza to jab hai girto ko tham le Saqi !

[Usm@n Butt]