Writers Club Competition January 2015

[naz]

Khushi...zarori nahi hota k bus paise se Khushi hasil hoti hai...Khushi tu kisi aik achi baat kehne se bhi hasil hojati hia...tu hamara writers club ka is baar ka muqabla Khushi k he mutaliq hai ...k hum kaise apni baataon se logon ko Khush kar saktey hian...kaise unhey apne raviyoun se khushi de saktey hain...tu apne lafzon main hamain bataye k kisi ko Khushi dena itna muskil tu nahi jitna ab bun chuka hia...!!!

Rules:

Ek member ek hi baar share karay ga
Same aur edit sharing accept nahi hogi
Last date 28/1/2015 hai
Winner Admins decide karen gy.

[naz]

Aaj Saal Ka pehla din guzar raha hai ...meri yehe koshish rahi k main sara din sub acha acha karney ki he koshish karon...zahri baat hai insan umid tu achi ki he rakhe ga tu usey phir agey bhi acha he miley ga Insha Allah..hum logo ki zindagi ka sara bharosa yehe hota hai k hum log Allah Pak ki zaat per bharosa kartey hain...Hum bhot khush naseeb hain k hum Muslim gharane main paida hue...!!!

Nabi Pak k Umaati hona kisi fakhar se bhala kaam hia kia...!!! Unki Aik choti si bhi sunnat ko apnatey hain tu us main hamarey liye dheeron faidey hotey hain...kuch hum samjh naih patey or kuch jab hum samjh jaye tu hum sukur he ada kartey hian k Allah Pak ne hamain muslim paida kia...!!!

Baat hai Khushi ki...Nabi Kareem ne kabhi bhi apni zaat se kisi ko dukh nahi diya...hum tu unk qadmon ki khaak bhi naih ...wo tu bari se bari baat per bhi apne se dosron ko khushi he detey rahey hain...!!!

Aaj maine socha k kio na ghar se he aghaz kia jaye...jo hamare ghar main kaam karne wali Masiyan hian maine unko bhot choti si khushi de ...mere liye tu wo choti he hue leken pata nahi unk kitney masle hal hue hongai...Maine Aaj Saal k pehley din unko kuch paise diye...jab k her taraf sub khushi mana rahe wo gharon ka kaam kar rahe hain...Mujhe dil se bhot bura lagta hai...Main chahti hon k sub barabar hojaye Allah Pak sub ko dene wala bana de koi b kisi se kuch na mangey...Mujhe kisi k phailey hue hath bardash naih hotey ...Un Masioun k Chehron per itni khushi aye ...Yeh wo aik CHoti si Khushi thi jis se maine Apne Din ka Aghaz kia...Her insan k andar aik jazbati insan chupa hota hia...baz dafa bhot choti choti baataon per ankhain num hojati hian...yaqeen karain yeh sub likhtey hue bhi maine kaye baar apni ankhian saaf ki hian...haan main jazbati hon bhot jazbati hon...kisi ki roney wali baat sun ker mujhe rona ajata hai...ankhon main ansoo ajatey hain...kaye bar control karna parta hai...leken agar hum kisi ko apni zaat se choti si khushi de sktey hain tu hum bilkul chotey nahi hongai...hum bhot barey hojaye gia...hamain sakon miley ga ...aik qadam barhaye khushi ki janib...logon ko apne apni zaat se khushi de ...dekhiye phir zindagi main kaise sukh shamil hojaye ga ...jo bhi phir app ki zindagi main dukh hai wo rahey gai he nahi ..jab dosron k dukh nazr aye gai tu apna dukh tu haqeer hojaye ga...!!!

Apney Andar se wo chupey hue insan ko bahir nikalne ki zarorat hai ..achai ki taraf qadam barhane ki zarorat hia ....apne irdgird k logon ko apni zaat se choti choti khushiyan dijeye ...zindagi main nikhar ajaey ga...Insha Allah

[Arosa Hya]

hy awesome topic nd super awesome writing (Y)

[Arosa Hya]

Khushi


Khushiya'n bantna boht asan hai...Jise hmary talakh aur jazbati rawayyoun ne mushkil bana diya hai.
Zindagi ki tmam asaishain musar ho b jayen to b kbi wo khushi nhi mil skti jo dil k skon mai milti hai.
Drasal Khushi se murad her aisa kam hai jo ap k dil ko skon de aur Roh ko khush kry.
Sb se sada treeqa apki "Muskurahat" hai jo buland hoslo'n or ala ikhlaq ki ilamat hai.
Murda dilon k liye zindagi ,aur thaky mandy k liye rahat hai.
Dosron se muskura ker milna, isteqbal krna, dil joi krna khushi ka bais hai.
Apni khwahishon pe dosron ki zrorat ko foqiyat dena b rooh ki khushi hai
Lekin us barh ker skon apni zrorat per dosron ki zrorat ko foqiyat dena hai.
Isi tra her naik ya acha kam kerny se khushi milti hai dil itmainan se bhar jata hai.
Islam ki tmam iqdar roh ko khushi deti hain sabar, bardasht, qurbani, darguzar etc
Continued....

[Arosa Hya]

Remaining...

apne Roz k mamol mai ap dosron ki madad ker k sachi khushi hasil ker skty hain
Jese k,
Kisi zrorat mand ki zrorat pori ker k,
Kisi yateem bachy ki diljoye ker k,
Kisi bewa/ Ghareeb ki mali imdad ker k,
Apny khany mai kisi bhoky hamsaye ko yaad rakh k,
Kisi yateem bachy ko khana khila ker,
Kisi zayef ko sarak paar kerwa ker,
Apne doston or ehbab se mukhlisana rawayya ikhteyar ker k,
Dosron se jalny ya apni kisi shae per gharor kerny k bjaye ALLAH ka shukar ada ker k aur dosron ki hosla afzayi ker k,
Tahaif k tabadla se,
Rishtedaro se ALLAH ki raza k liye darguzar aur qurbani se,
Apni her she k liye ALLAH ka her haal mai shukar ada ker k
k Us ne jo dia khob dia, behtreen dia,
ALLAH aur us k bandon ka ehsan man ker jis se aajzi paida hoti hai,
Aur bachon se pyar se paish aa ker
unki candies share ker k khany se b boht khushi hoti hai
Aur behaviours mai polite reh ker ek dosry se hasi mazak kerny se
bjaye is k k ap apne gusse ya ana k khol mai lipty rahain aur dosry ap se baat krny se b darain
Khas tor pe siblings se shraratain ker k
soye hoay pe achanak pani phaink (summer mai winter mai bhol k b nhi krna warna anjam apka apna hoga)
Soty hoay k moun pe marker se monchain bna k
Dosron se baton baton mai kam kerwa k
Choty siblings se apna kam kerwa k unko tense sikhany k badly
Qasam se boht khushi hoti hai
Apne parents ko hmesha muskura k milny aur ehtram krny se,
Unhain her mamly mai priority deny se
Doston ko kbi kbi problems mai dalny se
jese k
un k bag se paise nikal ker unko treat dena
bags mai books shuffle kerna
kitny khushi k kam ho gaye wow

Aur Aur Aur
Sb se barhi khushi, Rooh ka saroor or itmainan ye hai k
Ap insaniyat se sirf muhabbat hi muhabbat krain
Aur ye sirf ALLAH k liye krain!

Piyare ALLAH T a'ala apko dhairon khushiyoun se nazwazain aur dosron k liye khushi ka zariya bnayen. Ameen
Fe aman ALLAH

[~Maliha~]