Umr Jalwon mein basar ho,ye zaroori to nahin,
Har shab-e-gham ki sahar ho,ye zaroori to nahin

Chashm-e-saqi se piyo,ya lab-e-sagar se piyo,
Be khudi aathon pahar ho,ye zaroori to nahin

Neend to dard ke bistar pe bhi aa sakti hai,
unki aagosh mein sar ho,ye zaroori to nahin

Sheikh karta to hai masjid mein khuda ko sajde,
uske sajdon mein asar ho,ye zaroori to nahin

Sab ki nazron mein ho saqi,ye zaroori hai magar,
Sab pe saqi ki nazar ho,ye zaroori to nahi