Rasmain, Riwaj, Rawayatain...?

[Arosa Hya]

Urf e aam mai Rasm o riwaj un mausharti aadton ko kaha jata hai jo har maushra, mazhib ya qoom apny tor apnaty aur nasal dar nasal muntaqil krty hain.....

Kuch aadtain aghyar se mustaar b li jati hain yani unka ap k deen o saqafat se lena dena nhi hota magar ap kisi dosry maushry, qoom ya mazhib k zer e asar unhain apna lety hain. Yaad rahy aisa sirf tbi hota hai jb apki apne maisharti Rasm o riwayat ap k liye na kafi hon....

Surk aur neela do rang hain... in mai se koi aik dosry ka asar qabool kr ly to inki asal khatam ho kr purple ho jaye gi... Aur purple na to neela hota hai aur na hi surkh...asar kisi ka b ho purple sirf purple hota hai jiska aik apna naya wajood hai ...!!!

Na jany hmary maushry ne naqas o la yani rasm o riwaj ko hi khushi o gham k izhar k liye khud par musallat ku kr lia hai...

Ahl e Arab se kuch fareeq Aap S.A.W ki sadaqat o emaandari per Eman rakhty hoay b Ap S.A.W ki dawat e Toheed ko ye kehty hoay Radd krty the k hum ne apny baap Dada ko jis deen pr paya usy nhi chorr skty. ... khwah un k baap Dada gumrah hi ku na hon...
Bilkul isi tra aj hum Islam ki sadgi o waqar chorr kr juhl ki rasmo mai mubtla hain ... Patakhy, diye, chadarain charhana, taweez latkana, dod pilai, rangayi, Jahaiz, Mehndi, Maiyoun, goud barayi, Noha, barsi, yom e muhabbat, yom e dosti, yom e maa baap jesi latadad riwayat... Nasal dar Nasal...Hamaqat dar hamaqat...heef sad heef !!!

Asar qabool krny k bad mushab_hat paida hoti hai...
Mushab_hat se dhoka...
Purple ko surkh ya neela hony ka dhoka...

Ye Riwaj , ye rasmain wo toq hain jo Waqt k khud sakhta, trasheeda jhoty dewi dewtaon ko khush krny k liye masoom log galy mai pehn kr un k charno mai bheent charr jaty hain taky waqt ki lehron ko dawam mily...
~~~"Nhi maloom kb koi Umer aa kr parda e juhl mai Qaid in logon ko jhooty dewtaon se nijat dilany Neil mai sadaqat ka khat daly. Taky ainda kisi be gunah ko riwajon ki bheent na charhaya jaye"~~~

Aise Dastoor ko, Subh e Be noor ko,
Mai nhi Manta_______Mai nhi Janta


Az Qalam e pareshaa'n...

Sent from my SAMSUNG-SM-N900A using Tapatalk

[Chandbhai]

V good