Kabhi Iss Nagar Tujhey Daikhna, Kabhi Uss Nagar Tujhey Dhoondna
Kabhi Raat Bhar Tujhey Sochna, Kabhi Raat Bhar Tujhey Dhoondna
Mujhey Ja-baja Teri Justajoo, Tujhey Dhoondta Hoon Main Ku-ba-Ku
Kahan Khul Saka Terey Ru-ba-Ru, Maira Iss Qadar Tujhey Dhoondna
Maira Khuwab Tha Ke Khayal Tha, Woh Urooj Tha Ke Zawaal Tha
Kabhi Farsh Par Tujhey Daikhna, Kabhi Arsh Pay Tujhey Dhoondna
Yahan Har Kisi Say Hi Bair Hai, Tera Shehar Qarya Gheer Hai
Yahan Sehel Bhi To Nahin Koi, Maira Be-khabar Tujhey Dhoondna
Teri Yaad Aaye To Ro Diya, Jo Tu Mil Gaya Tujhey Kho Diya
Mairey Silsiley Bhi Ajeeb Hain, Tujhey Chorr Kar Tujhey Dhoondna
Mairi Nazar Ka Kamal Hai, Ke Mairi Nazar Ka Jamal Hai
Tujhey Shair Shair Mein Sochna, Sar-E-Baam-o-Dar Tujhey Dhoondna
Originally Posted by ~Heer~
SD lover
Posting Permissions
Reply With Quote