لطفِ نگاہِ ناز کی ۔۔ تہمت اُٹھائے کون

**intelligent086** · 03-10-2018, 02:33 AM

لطفِ نگاہِ ناز کی ۔۔ تہمت اُٹھائے کون
کچھ دیر کی بہار کو خاطر میں لائے کون

مانا ، حریمِ ناز کے پردوں میں ہے کوئی
لیکن حریمِ ناز کے پردے اُٹھائے کون

پڑ جائے لاکھ وقت ، مگر یہ نہیں قبول
میں دیکھتا رہوں کہ مرے کام آئے کون

کیسی بہارکس کے ستارے کہاں کے پھول
جب تم نہیں تو دیدہ و دل میں سمائے کون

ذوقِ عمل نہ ذوقِ جنوں ہر طرف سکوں
جنت اگر یہی ہے تو جنت میں جائے کون

محفل میں کوئی سوختہ جاں ہی نہیں شکیلؔ
سوز و گدازِ شمع پر ۔۔ آنسو بہائے کون