گذرے ہوئے شباب کی ، یوں یاد آئے ہے

**intelligent086** · 02-11-2018, 01:59 AM

گذرے ہوئے شباب کی ، یوں یاد آئے ہے
پانی پہ .... جیسے کوئی لکیریں .... بنائے ہے

یارب ! ........یہ کیا مقام محبت میں آگیا
ہے عقل بدحواس ... جنوں لڑکھڑائے ہے

گذرا مرے قریب سے وہ اس ادا کے ساتھ
جس طرح کوئی آگ سے دامن بچائے ہے

دل کی لگی پہ اشک ....... بہانے سے فائدہ
شبنم سے بھی کہیں ، کوئی شعلے بجھائے ہے؟

جگنو سمجھ کے میں نے ........ شرارہ اٹھا لیا
احساس تیز ہو تو ..... نظر چوک جائے ہے

دل میں کوئی امید ہی ....... باقی نہیں رہی
پھر بھی خیال ........ دام ِ تمنا بچھائے ہے

ماہرؔ ... ابھی سے اہل ِ چمن بند بند ہیں
اب کے بہار دیکھئے کیا گل کِھلائے ہے