اعلیٰ ہے تو، عظیم ہے تو، رب ذوالجلال
a31.jpg
اعلیٰ ہے تو، عظیم ہے تو، رب ذوالجلال
رحمن ہے، رحیم ہے تو، رب ذوالجلال
تیری نوازشوں کے طلب گار ہیں سبھی
سب س بڑا کریم ہے تو رب ذوالجلال
شعلوں میں کون، کون ہے مچھلی کے پیٹ میں
عالم ہے تو، علیم ہے تو، رب ذوالجلال
صدیوں سے ہے یہ فرش زمیں بے ستون عرش
ان سب سے بھی قدیم ہے تو، رب ذوالجلال
پوشیدہ حکمتیں ہیں ترے حرف حرف میں
حاکم ہے تو، حکیم ہے تو، رب ذوالجلال
دیتا ہے رزق سب کو تو سب کے نصیب کا
قاسم ہے تو، قسیم ہے تو، رب ذوالجلال
ذہن رئیسؔ پر بھی ہے مولا ترا کرم
اور دل میں بھی مقیم ہے تو رب ذوالجلال
Reply With Quote
Re: اعلیٰ ہے تو، عظیم ہے تو، رب ذوالجلال
Originally Posted by Mariaa
