دشت، صحرا، سراب تیرے ہیں

**intelligent086** · 06-02-2019, 12:55 AM

دشت، صحرا، سراب تیرے ہیں
بحر و بر اور گلاب تیرے ہیں

تُو ہی مالک، جہان تیرا ہے
چاند، تارے، سحاب تیرے ہیں

ہر سُو جلوہ نما ہے تُو ہی تُو
شوخ گُل پر شباب تیرے ہیں

خالقِ کُل و، مالکِ کُل تُو
دریا تیرے، حباب تیرے ہیں

وحدہ‘ لا شریک تُو مولا
نام سب لا جواب تیرے ہیں

تُو ہی مشکل کُشا، تُو ہی آقا
سب کے سب یہ خطاب تیرے ہیں

ایک دو ہوں تو گن سکے راجا
پر کرم بے حساب تیرے ہیں
ایم اے راجہ