میں غریب سے بھی غریب ہوں مرے پاس دستِ سوال ہے

[intelligent086]

ﷺ
میں غریب سے بھی غریب ہوں مرے پاس دستِ سوال ہے
اے قسیم راحتِ دو جہاں مری سانس سانس محال ہے
تو خدا ئے پاک کا راز داں تیرا ذکر زینتِ دو جہاں
تیرے وصف کیا میں کروں بیاں تیری بات بات کمال ہے
میں ہوں بے نوا تو ہے بادشہ میرا تاجِ سر تیری خاکِ پا
میں ہوں ایک بھٹکی ہوئی صدا تری ذات حسنِ مآل ہے
تو ہی فرش پر تو ہی عرش پر تیرا یہ بھی گھر تیرا وہ بھی گھر
جہاں ختم ہوتا ہے ہرسفر تیرا اس سے آگے جمال ہے
تیری ذات عالی شہ عرب کہاں میں کہاں یہ مری طلب
جو ملا، ملا وہ ترے سبب مرا اس میں کیسا کمال ہے
نہیںتیرے بعد کوئی نبی ہوئی ختم تجھ پر پیمبری
تیری ذاتِ حسن و جمال کی نہ نظیر ہے نہ مثال ہے
میں یہ کیوں کہوں کہ غریب ہوں شہ دوسرا کے قریب ہوں
میں تو آسؔ روشن نصیب ہوں غمِ مصطفےٰ مری ڈھال ہے
ﷺ

[maya]

Subhan Allah bohat umda intekhab keep sharing

[intelligent086]

Subhan Allah bohat umda intekhab keep sharing

ماشاءاللہ
پسند ، رائے اور حوصلہ افزائی کا شکریہ
جزاک اللہ خیراً کثیرا