تصویر و مصور
تصویر


کہا تصویر نے تصویر گر سے
نمائش ہے مری تیرے ہنر سے
ولیکن کس قدر نا منصفی ہے
کہ تو پوشیدہ ہو میری نظر سے!

مصور


گراں ہے چشم بینا دیدہ ور پر
جہاں بینی سے کیا گزری شرر پر!
نظر ، درد و غم و سوز و تب و تاب
تو اے ناداں، قناعت کر خبر پر

تصویر


خبر، عقل و خرد کی ناتوانی
نظر، دل Ú©ÛŒ Ø+یات جاودانی
نہیں ہے اس زمانے کی تگ و تاز
سزاوار Ø+دیث لن ترانی

مصور


تو ہے میرے کمالات ہنر سے
نہ ہو نومید اپنے نقش گر سے
مرے دیدار کی ہے اک یہی شرط
کہ تو پنہاں نہ ہو اپنی نظر سے