پوشاکِ عمل ، جامۂ کردار پہن لوں

**intelligent086** · 12-03-2019, 03:25 AM

پوشاکِ عمل ، جامۂ کردار پہن لوں
سر تا بقدم اسوہٴ سرکار پہن لوں
ایماں کے لیے حسنِ عمل بھی ہے ضروری
یہ کیا کہ فقط جبہ و دستار پہن لوں
آنکھوں میں رہے خاکِ در ِ شاہ کا سُرمہ
صافے کی جگہ طیبہ کے میں خار پہن لوں
کھائی ہے قسم دین ِمحمدﷺ سے وفا کی
کیوں طوقِ جبیں سائیِ اغیار پہن لوں
مل جائے سگِ کوچۂ جاناں کا گلو بند
مر جاؤں خوشی سے اگر اک بار پہن لوں
حرمت تری قربانیاں مانگے تو میں حاضر!
زنجیرِ قضا شوق سے سوبار پہن لوں
جاری رہے ہونٹوں پہ سدا نعت کا نغمہ
نسبت کا یہ تعویذ ہے سرکار پہن لوں ؟
طیبہ سے بلاوا کبھی آئےتو میں کاشرؔ
کچھ ایسےچلوں وقت کی رفتار پہن لوں
سیدنا محمد صلیٰ اللّٰہ علیہ وآلہ وسلم