کہیں سے کوئی حرف معتبر شاید نہ آئے

[intelligent086]

کہیں سے کوئی حرف معتبر شاید نہ آئے
مسافر لوٹ کر اب اپنے گھر شاید نہ آئے

قفس میں آب و دانے کی فراوانی بہت ہے
اسیروں کو خیال ِ بال و پر شاید نہ آئے

کسے معلوم اہل ہجر پر ایسے بھی دن آئیں
قیامت سر سے گزرے اور خبر شاید نہ آئے

جہاں راتوں کو پڑ رہتے ہیں آنکھیں موند کر لوگ
وہاں مہتاب میں چہرہ نظر شاید نہ آئے

کبھی ایسا بھی دن نکلے کہ جب سورج کے ہمراہ
کوئی صاحب نظر آئے مگر شاید نہ آئے

سبھی کو سہل نگاری ہنر لگنے لگی ہے
سروں پر اب غبار ِ راہگزر شاید نہ آئے
٭٭٭

[intelligent086]

@Mariaa