SD lover
ہو چاہے اک زمانہ کسی رہنما کے ساتھ
صلی اللہ علیہ وآلہ وسلم
ہو چاہے اک زمانہ کسی رہنما کے ساتھ
ہم ہیں قسم خدا کی فقط مصطفیٰ ﷺ کے ساتھ
منزل پہ ہم نہ پہنچے تو پہنچے گا اور کون ؟
ہم جادہء سفر میں ہیں کس پیشوا کے ساتھ
یہ ساری کائنات ہے لولاک آشنا
منسوب ہر چراغ ہے نور الہدیٰ کے ساتھ
رشتہ ہر ایک صبح کا شمس الضحیٰﷺ سے ہے
ہر شب کو ربطِ خاص ہے بدرالدجیٰﷺ کے ساتھ
ممکن نہیں کہ بابِ کرم اس پہ وَا نہ ہو
شامل اگر ہو حسنِ عقیدت دعا کے ساتھ
ہم جانتے ہیں کیا ہے تقاضائے بندگی
صلِ علیٰ کا ورد بھی ذکرِ خدا کے ساتھ
اقبالؔ نعت گوئی بھی اک شرف ہے مگر
لازم ہے اتباع بھی مدح و ثنا کے ساتھ
------
سیدپروفیسراقبالؔ عظیم
کلیاتِ نعت زَبُورِحَرم
صفحہ نمبر ۔ 143 تا 144
SD lover
SD lover
Re: ہو چاہے اک زمانہ کسی رہنما کے ساتھ
Originally Posted by intelligent086
Posting Permissions
Reply With Quote