تاریخ میں پہلی بار فیشن میگزین کے سر ورق پر باحجاب ماڈلز

[intelligent086]

تاریخ میں پہلی بار فیشن میگزین کے سر ورق پر باحجاب ماڈلز


گزشتہ ماہ 15 مارچ کو نیوزی لینڈ کے شہر کرائسٹ چرچ میں مساجد پر حملے سے قبل عالمی سطح پر حجاب کے خلاف تحریک دکھائی دیتی تھی، حجاب پہننے کے معاملے پر جہاں یورپ و امریکی ممالک میں بحث جاری ہے، وہیں اب معروف فیشن میگزین ‘ووگ‘ نے اپنے سرورق پر پہلی بار باحجاب ماڈلز کو جگہ دے کر نئی تاریخ رقم کر دی۔

میڈیا رپورٹ کے مطابق فیشن میگزین ‘ووگ’ عربیہ نے اپریل کے شمارے میں پہلی بار سر ورق پر تین باحجاب سیاہ فام ماڈلز کی تصویر دی، یہ پہلا موقع ہے کہ کسی بھی عالمی فیشن میگزین کے سرورق پر بیک وقت تین باحجاب ماڈلز کی تصویر دی گئی۔ اس سے قبل ووگ عربیہ میں باحجاب ماڈلز کو سرورق کی زینت بنایا جا چکا ہے تاہم اس وقت صرف ایک ہی ماڈل کو اس اعزاز سے نوازا گیا۔

فیشن میگزین کی زینت بننے والی تینوں ماڈلز افریقی نژاد ہیں۔ 21 سالہ حلیمہ آدن صومالی نژاد امریکی ماڈل ہیں اور وہ امریکا کی ریاست مینیوسوٹا کا مقابلہ حسن بھی جیت چکی ہیں۔ دوسری ماڈل 22 سالہ آمنہ آدن ہیں جن کا تعلق ڈنمارک سے ہے اور وہ پہلی پروفیشنل باحجاب ماڈل کا اعزاز بھی رکھتی ہیں۔ تیسری ماڈل 23 سالہ اکرام عابدہ عمر ہیں جن کا تعلق برطانیہ سے ہے اور وہ بھی مختلف فیشن ویکس میں حجاب پہن کر شرکت کر چکی ہیں۔

[intelligent086]

@Mariaa @maya