طویل قامت محمد عرفان کی نگاہیں ورلڈ کپ 2019 ء پر مرکوز
اکستان کپ میں بلوچستان کیلئے بہترین کارکردگی دکھانے کی کوشش کروں گا،فاسٹ بالر
لاہور(اسپورٹس ڈیسک)طویل قامت فاسٹ بالر محمد عرفان کی نگاہیں رواں سال انگلینڈ میں شیڈول ورلڈ کپ پر مرکوز ہیں اور ان کا کہنا ہے کہ وہ پاکستان کپ میں بلوچستان کیلئے بہترین کارکردگی دکھانے کی کوشش کریں گے ۔محمد عرفان کا کہنا تھا کہ وہ کافی عرصے سے اچھی پرفارمنس پیش کر رہے ہیں اور پاکستان کپ میں بھی اس سلسلے کو جاری رکھتے ہوئے قومی ٹیم میں جگہ بنانے کی خواہش ہے ۔واضح رہے کہ پاکستان کپ کے افتتاحی میچ میں محمد عرفان نے پنجاب کیخلاف 62 رنز کے عوض ایک وکٹ حاصل کی لیکن ان کا کہنا ہے کہ گراؤنڈ میں پرفارم کرنا ان کا کام ہے اور منتخب کرنے کا انحصار سلیکشن کمیٹی پر ہے ۔چار ٹیسٹ،60 ون ڈے اور 20 ٹی ٹوئنٹی میچوں کے تجربہ کار محمد عرفان نے اپنا آخری ون ڈے ستمبر دو ہزار سولہ میں انگلینڈ کیخلاف لیڈز میں کھیلا تھا جس کے بعد سلیکٹرز نے انہیں یکسر نظر انداز کردیا۔محمد عرفان کے مطابق پاکستان کی ون ڈے ٹیم جس انداز سے کھیلتی آ رہی ہے اس کے پیش نظر امید ہے کہ کھلاڑی ورلڈ کپ میں بہتر کھیل کا مظاہرہ کریں گے اور تینوں شعبوں میں کارکردگی بہتر رہی تو پاکستانی ٹیم ٹائٹل بھی جیت سکتی ہے ۔آسٹریلیا کیخلاف سیریز میں ناکامی پر طویل قامت پیسر کا کہنا تھا کہ سلیکٹرز اور ٹیم انتظامیہ نے عمدہ کامبی نیشن بنانے کی کوشش کی اور نئے پلیئرز بھی آزمائے جس میں سے عابد علی نے سنچری بنا کر ثابت کیا کہ ڈومیسٹک کرکٹ کھیلنے سے اعتماد میں اضافہ ہوتا ہے لیکن لازمی ہے کہ کلب کرکٹ کے میچوں کو بھی اہمیت دی جائے۔
SD lover
طویل قامت محمد عرفان کی نگاہیں ورلڈ کپ 2019 ء پر مرکوز
Re: طویل قامت محمد عرفان کی نگاہیں ورلڈ کپ 2019 ء پر مرکوز
Originally Posted by intelligent086
Posting Permissions
Reply With Quote