کہتے ہیں ایف 16گرانے کا ثبوت ہے،سامنے نہیں لاتے:ترجمان پاک فوج

**intelligent086** · 09-04-2019, 02:47 AM

کہتے ہیں ایف 16گرانے کا ثبوت ہے،سامنے نہیں لاتے:ترجمان پاک فوج
486078 29720925 - کہتے ہیں ایف 16گرانے کا ثبوت ہے،سامنے نہیں لاتے:ترجمان پاک فوج

پاک فوج کے ترجمان میجر جنرل آصف غفور نے کہا ہے کہ سچ یہ ہے کہ پاکستان ائیر فورس نے دو انڈین جہاز گرائے جن کا ملبہ زمین پر گرتے سب نے دیکھا۔

ڈی جی آئی ایس پی آر میجر جنرل آصف غفور نے بھارتی حکام کی پریس کانفرنس پر ردعمل دیتے ہوئے کہا ہے کہ بار بار بولنے سے جھوٹ سچ نہیں بن جاتا۔ کہتے ہیں کہ ایف سولہ گرانے کا ثبوت ہے لیکن سامنے نہیں لاتے۔

میجر جنرل آصف غفور نے سماجی رابطوں کی ویب سائٹ ٹویٹر پر انڈین حکام کو جواب دیتے ہوئے کہا کہ بھارت کو ہونے والے نقصانات پر ڈھول پیٹنے کے بجائے پاکستان کی خاموشی کو نظر انداز نہ کریں، پاکستان نے سچ پر بھی ڈھول نہیں بجائے۔

ان کا کہنا تھا کہ سچ یہ ہے کہ پاکستان ائیر فورس نے دو انڈین جہاز گرائے، جن کا سب نے ملبہ زمین پر دیکھا۔