Ajab pagal si ladki hai,
Mujhe har khat mein likhti hai,
"Mujhe tum yaad karte ho?
Tumhein main yaad aati hoon?"
"Meri yadein satati hain?
Meri batein jagati hain?
Kabhi khwabon mein aa aa kar,
Meri aankhein rulati hain?"
"Kisi khamosh rastay par,
Kabhi tanha guzartay mein,
Meri aawaaz ka dhoka
Tumhein chaunka hi deta hai?"
"Thithurti sard raton mein,
Tehelne chhat pe jaate ho?
Falak ke sab sitaron ko
Mere qisse sunatay ho?"
"Kitabon se tumharay ishq mein
Koi kamee ayee?"
Ajab pagal si ladki hai,
Mujhe har khat mein likhti hai,
"Mujhe tum yaad karte ho?
Tumhein main yaad aati hoon?
__________________________________
Meri deewangi daikho
Jawaban us ko likhta hooN.
"Tumhein kisne kaha pagli
tumhein main yaad karta hoon."
"subah se shaam office main
chiragh-i-umr jalta hai
phir us k baad duniya kee
kaee majbooriyan hai jo
Meree chahat ke pairon me
salasil daal deti hain
Tumhein phir yaad karne ki
Mujhe fursat kahaan pagli!"
"Mujhay bay-fikr, chahat se
bharay sapnay nahin dikhtay
Tehelnay, jagnay, ronay ke
mauqay hee naheen miltay."
"SitarooN se millay arsa hua..
naraz hon shayad."
"Kitabon se shughaf maira
abhi waisay he qayem hai
magar itna hua hai
ab unahin arsay main parhta hoon"
"Tumhein kisne kaha pagli
tumhein main yaad karta hoon"
________________________________________
Meri deewangi dekho,
Ki ye likh to diya usko,
. "Ki main khud ko bhulanay ki
. Musalsal justjoo mein hoon."
Magar ye justjoo meri
Bohot naakaam rehti hai.
Mere din raat mein ab bhi
Usee kee shaam rehti hai.
Usse dil se bhulaoon,
tab hi uskee yaad aye na.
Main uskee yaad ka daftar
Liye phirta hoon har lehza.
Aur uske khat ka ik jumla,
"tumhein main yaad aati hoon?"
Meri chahat ki shiddat mein
Kamee honay nahee deta.
Bohot raatein jagaata hai.
Mujhe sonay naheen deta.
Reply With Quote
enDless lovE!!
ajab,pagal,si
Sharing yaar
Posting Permissions