وزیراعظم نے گھبرا کر آدھی رات کو خطاب کیا: بلاول بھٹو زرداری
پاکستان پیپلز پارٹی کے چیئرمین بلاول بھٹو زرداری نے کہا ہے کہ ''وزیراعظم نے گھبرا کر آدھی رات کو خطاب کیا‘‘ کیونکہ یہ وقت ہی گھبراہٹ کا ہے اور ہم بھی آدھی رات ہی سے گھبرانا شروع کرتے ہیں اور رات بھر سوتے نہیں ہیں‘ کیونکہ اگر سو جائیں تو بہت سے قلفے والے‘ پنکچر لگانے والے اور رکشے والے خواب میں آ کر ہمیں پریشان کرتے ہیں؛ حالانکہ یکدم امیر ہو جانے پر انہیں خدا کا شکر ادا کرنا چاہیے اور ہمیں پریشان نہیں کرنا چاہیے‘ کیونکہ اُنہیں پریشان کرنے والا سارا روپیہ کسی غیبی قوت نے نکلوا لیا ہے اور اس طرح حساب برابر ہو گیا ہے اور اس میں سے جو پیسے ہمارے کھاتے میں ڈال دیئے گئے ہیں‘ وہ بھی ان لوگوں کی اپنی شرارت تھی‘ ورنہ ہم پر پہلے ہی اللہ کا اتنا فضل ہے کہ ہمیں ان پیسوں کی ضرورت ہی نہیں تھی‘ تاہم کچھ پیسے بلاضرورت بھی آ جاتے ہیں اور یہ سب اللہ کی دین ہے۔ آپ اگلے روز اسلام آباد میں اختر مینگل سے ملاقات کر رہے تھے۔

سُرخیاں‘ متن اور عامرؔ سہیل کا تازہ کلام
ظفر اقبال
کے کالم سے انتخاب