معذور ماؤں کا گروپ
ڈاکٹر آصف محمود جاہ
جاپان میں قیام کے دوران پتہ چلا کہ جاپان کے مضافاتی قصبے کی نوجوان عورتوں نے ایک ایسا گروپ تشکیل دیا ہے جس میں وہ اشاروں کی زبان استعمال کرکے ایک دوسرے سے گفتگو کرتی ہیں۔ Defu Mama Saakirza mini۔اس گروپ کو بولنے سے معذور مائوں کے گروپ کا نام دیا گیا ہے۔ اس گروپ میں نگویا کے علاوہ دوسرے قریبی شہروں کی عورتیں بھی شامل ہو رہی ہیں۔ آپس میں اشاروں کی زبان میں حالاتِ حاضرہ کی گفتگو کرنے کے علاوہ یہ گروپ پیچیدہ مسائل پر بھی اپنے طریقے سے بحث کرتا ہے۔ گروپ کے ماہانہ اجلاس میں دورانِ پیدائش ہونے والے مسائل اور ان پر قابو پانے کے بارے میں گفتگو ہوئی۔ اس کے علاوہ ایک اور اجلاس میں کسی بھی قدرتی آفت کے دوران بچائو کے طریقوں پر اشاروں کی زبان میں گفتگو کی گئی۔ اس گروپ کے اجلاس کے دوران مائیں اپنے بچوں کے ساتھ آتی ہیں اور آپس میں پیار اور محبت کے ساتھ اشاروں کی زبان میں باتیں کرتی ہیں۔ گروپ کی سربراہ اور بانی 34 سالہ Yuhako Kilchi ہے جو خود دو بچوں کی ماں ہے۔ اس کے دونوں بچے سن اور بول سکتے ہیں۔ وہ اشاروں کی زبان استعمال کرکے اپنے بچوں کی ہر بات سمجھ لیتی ہے اور بچے بھی اپنی ماں کا اپنا مطمعِ نظر سمجھ لیتے ہیں۔ انسان اپنی کوشش کرکے کسی قسم کی کمزوری یا معذوری پر قابو پاسکتا ہے۔ وہاں ہمیں ایک عورت نے ہاتھ کے اشارے پر روک لیا۔ اپنا تعارف کراتے ہوئے بتایا کہ میں ایک سٹاف نرس ہوں۔ کرسمس قریب ہے۔ اس نے ایک البم پکڑ رکھا تھا جس میں غریب اور یتیم عیسائی بچوں کی تصاویر تھیں۔ اس نے کہا کہ میرا نام راشین ہے۔ فلپائن سے تعلق ہے۔ جاپان نرسنگ کی مزید تعلیم کے لیے آئی ہوں۔ ہمیں سوشل ورک کا پراجیکٹ ملا ہے جس میں میرے ذمے یتیم بچوں کو کرسمس کے تحائف دینے کے لیے فنڈز اکٹھا کرنے کا کام لگا ہے۔ اس کا جذبہ دیکھ کر خوش ہوئی۔ اس نے بتایا وہ تھوڑی بہت اردو جانتی ہے۔ ہم نے بتایا کہ ہمارا پاکستان سے تعلق ہے اور ہم مسلمان ہیں تو خوش ہو کر بولی ’’السلام علیکم شکریہ‘‘۔ کہنے لگی ہمارے فلپائن میں جزائر منڈانائو میں بہت سے مسلمان آباد ہیں۔ ساری باتیں کرکے بچوں کے لیے فنڈز لینے کا نہ بولی۔ اپنے پیارے انداز میں باتیں کرکے ہم سے بچوں کے لیے فنڈ اکٹھا کیا۔ الحمدللہ! ہم بھی رنگ و نسل، مذہب کی تفریق کے بغیر کام کرتے ہیں اس لیے خوشی سے یتیم بچوں کو کرسمس کی خوشیوں میں شامل کرنے کیلئے عطیہ دیا۔ راشین Donation لے کر خوشی سے پھولی نہ سمائی کیونکہ وہ دو گھنٹے سے کھڑی تھی۔ کوئی اس کے پاس ابھی تک نہ پھٹکا تھا اور نہ کسی نے اس کی بات سنی تھی۔ کسی نے اس کی پذیرائی نہ کی تھی۔ خوش ہو کر راشین نے ہمارے ساتھ تصاویر بھی بنوائیں چونکہ اس کا تعلق بھی میڈیکل کے شعبے سے تھا، ڈاکٹر کا بتایا تو خوش ہوگئی۔ پاکستان میں میڈیکل کی تعلیم کے بارے میں پوچھنے لگی۔ ہنستی مسکراتی ہاتھ ہلاتی رخصت ہوئی۔ وہاں عورت اور مرد میں کوئی فرق نہیں۔ دونوں ایک جیسا کام کرتے ہیں۔ کام کے دوران دونوں کے درمیان کسی قسم کا امتیاز نہیں کیا جاتا اور ایک جیسا کام دونوں کے سپرد کیا جاتا ہے یعنی کہ جاپان میں عورت کے صنفِ نازک ہونے کا کوئی تصور نہیں۔ خواتین اور لڑکیوں کو سارا دن/ ساری رات کولہو کے بیل کی طرح کام میں جتا دیکھ کر افسوس ہوتا ہے کہ اللہ نے عورت کو اپنا تخلیقی کردار ادا کرنے کے لیے بنایا تھا تاکہ وہ ماں بن کر اپنے بچوں کی صحیح پرورش کرے۔ یہاں بے چاری نوجوان لڑکیاں اور عورتیں کام میں اس حد تک مگن ہوتی ہیں کہ انہیں شادی کرنے کے لیے سوچنے کا وقت ہی نہیں ملتا اور جب کام سے سر اٹھانے کا موقع ملتا ہے تو اس وقت تک بہت دیر ہو چکی ہوتی ہے۔ کام میں جتی میں نسوانیت ختم ہو جاتی ہے اور شادی کرانے کا شوق بھی ختم ہو جاتا ہے۔ اس کے مقابلے میں جو لڑکیاں/ خواتین مناسب عمر میں شادی کرلیں وہ خوش و خرم رہتی ہیں۔ اطمینان سے شوہر کے ساتھ بچوں کی محبت میں کھب کر زندگی گزارتی ہیں۔ راہ چلتے، سڑکوں پر گزرتے جن جن لڑکیوں/ خواتین کو اپنے خاوندوں کی انگلی پکڑے اور بچوں کو ساتھ لیے یا اٹھائے دیکھا ان کے چہروں پر عجیب طرح کی طمانیت اور سکون تھا۔ ٭…٭…٭
SD lover
معذور ماؤں کا گروپ
Posting Permissions
Reply With Quote
Re: معذور ماؤں کا گروپ