جنگ گلاب
جنگ گلاب
محمد ریاضپندرہویں صدی کے وسط میں انگلستان میں خانہ جنگی پھوٹ پڑی۔اس میں دو شاہی دھڑے آمنے سامنے تھے۔ 1453ء میں ہنری ششم دماغی عارضہ میں مبتلا ہو گیا۔ رچرڈ، ڈیوک آف یارک، جو ایڈورڈ سوم کے بیٹے ایڈمنڈ کی اولاد میں سے تھا اور تخت کا دعویدار تھا، محافظ سلطنت مقرر ہوا۔ اس میں اور ڈیوک سمرسٹ میں، جس کو ملکہ مارگریٹ کی تائید حاصل تھی، سخت رقابت تھی۔ بادشاہ کے صحت ہوتے ہی ڈیوک آف یارک کو شاہی مجلس سے الگ کر دیا گیا اور سمرسٹ کو پھر طاقت حاصل ہو گئی۔ ڈیوک آف یارک جنگ پر آمادہ ہو گیا اور 1455ء میں سینٹ البانز کی لڑائی میں اسے کامیابی ہوئی اور سمرسٹ مارا گیا۔ جنگ گلاب کہلائے جانے کی وجہ تسمیہ یہ ہے کہ لنکاسٹر خاندان کا نشان سرخ گلاب اور یارک کا نشان سفید گلاب تھا۔ اسی سال بادشاہ کی علالت پھر عود کر آنے پر یارک دوبارہ محافظ سلطنت مقرر ہوا مگر ہنری کے صحت یاب ہونے پر فریق مخالف کو غلبہ مل گیا۔ خانہ جنگی کا سلسلہ جاری رہا۔ اب تخت کے دعویدار کے طور پر ڈیوک آف یارک لندن پہنچا۔ وہاں یہ طے ہوا کہ بادشاہ تو ہنری ہی رہے گا لیکن اس کے جانشین یارک اور اس کے خاندان والے ہوں گے۔ اس لیے 1460ء میں ملکہ نے ایک زبردست فوج تیار کر کے ویک فیلڈ کی لڑائی میں ڈیوک آف یارک کو شکست دی اور وہ جنگ میں مارا گیا۔ لیکن 1461ء میں ڈیوک آف یارک کا بیٹا ایڈورڈ، لنکاسٹر کے ایک دستے کو شکست دے کر لندن پہنچا جہاں عوام نے اس کا خیرمقدم کیا۔ پارلیمنٹ نے اسے بادشاہ تسلیم کیا۔ مارگریٹ کی فوج شمال کی جانب پلٹ گئی۔ ایڈورڈ چہارم نے اس کا تعاقب کیا اور ٹاوٹن کی لڑائی میں اسے شکست دی۔ مارگریٹ فرار ہو کر پہلے سکاٹ لینڈ اور اس کے بعد فرانس چلی گئی۔ ہنری ششم قید کر لیا گیا۔ ارل آف وار وِک، جس نے تخت کے حصول میں ایڈورڈ کی مدد کی تھی کچھ عرصہ بعد بادشاہ کا مخالف بن گیا اور فرانس جا کر مارگریٹ سے مل گیا۔ 1470ء میں وہ ایک بڑی فوج لے کر انگلستان میں وارد ہوا اور لندن جا پہنچا۔ ایڈورڈ چہارم ان کا مقابلہ نہیں کر سکا اور نیدرلینڈز چلا گیا۔ مارگریٹ اپنے بیٹے ایڈورڈ، شہزادہ ویلز کے ساتھ انگلستان پہنچی۔ ایڈورڈ چہارم نے ٹیوٹسبری کی لڑائی میں اسے شکست دی۔ مارگریٹ کو فرانس جانے کی اجازت دی گئی لیکن ہنری ششم اور اس کے بیٹے ایڈورڈ کو بے رحمی کے ساتھ قید خانہ میں قتل کر دیا گیا۔ 12 قدرے پُرامن برسوں کے بعد اس کا چھوٹا بیٹا ایڈورڈ پنجم تخت نشین ہوا، لیکن اس کے چچا رچرڈ، ڈیوف آف گلوسٹر نے تخت پر غاصبانہ قبضہ کر لیا۔ ہنری نے رچرڈ کو شکست دی اور ہنری ہفتم کے نام سے تخت نشین ہوا ۔اس منزل پر جنگ گلاب ختم ہوئی۔
Reply With Quote
Re: جنگ گلاب
