اے خدائے پاک اے رب کریم

**intelligent086** · 07-09-2019, 03:01 AM

حافظ اسرار سیفی
(آرہ)

اے خدائے پاک اے رب کریم
تیری رحمت عام ہے بخشش عظیم
اے کہ تیری ذات نوری لم یزل
اے کہ تو ہے خالق حکم و عمل
اے کہ تو ہے مالک ارض و سما
اے کہ تو آقا ہے لولاک لما
تیری رحمت ہے محیط بے کراں
تیری قدرت ہے صریح کن فکاں
تجھ سے قائم ہے جہان رنگ و بو
فرش سے تا عرش مولا تو ہی تو
ہے اطاعت میں تری مخفی نجات
تو ہی اک رکھتا ہے لافانی صفات
شکر میں کرتا رہوں ہر آن میں
صابر و شاکر رہوں اک نان میں
عمر بھر سیفیؔ ہو زندہ صبر سے
کلمہ پڑھتے نکلے اپنی قبر سے
٭٭٭