SD lover
ساون کے بادلوں کی طرح سے بھرے ہوئے
مرزا رفیع الدین سوداؔ
ساون کے بادلوں کی طرح سے بھرے ہوئے
یہ ہیں وہ نین جن سے کہ جنگل ہرے ہوئے
اے دل! یہ کس سے بگڑی کہ آتی ہے فوجِ اشک
لختِ جگر کی نعش کو آگے دھرے ہوئے
انصاف اپنا سونپئے کس کو بہ جز خدا
منصف جو بولتے ہیں تو تجھ سے ڈرے ہوئے
نزدیک اپنے رہنے سے مت کر ہمیں تو منع
ہیں لاکھ کوس جب ترے دل سے پرے ہوئے
سوداؔ نکل نہ گھر سے کہ اب تجھ کو ڈھونڈتے
لڑکے پھریں ہیں پتھروں سے دامن بھرے ہوئے
SD lover
Posting Permissions
Reply With Quote
Re: ساون کے بادلوں کی طرح سے بھرے ہوئے