فٹبال پریمیئر لیگ، چیمپئن لیورپول نے حریف لیسٹر سٹی کو تین صفر سے ہرا دیا

football.jpg
فٹبال پریمیئر لیگ میں دفاعی چیمپئن لیورپول نے حریف لیسٹر سٹی کو تین صفر سے ہرا دیا، دوسری پوزیشن پر قبضہ جما لیا۔

اینفیلڈ میں فٹبال کے بڑے مقابلے میں دفاعی چیمپئن لیورپول اور لیسٹر سٹی کا آمنا سامنا ہوا۔ کورونا کے باعث محمد صلاح کی عدم شرکت کے باوجود لیسٹر سٹی دباؤ کا شکار رہی۔

اکیسویں منٹ اون گول سے اسکور ایک صفر ہوا، اکتالیسویں منٹ جوٹا نے بال کو جال میں ڈال کر کمال دکھایا، اسی دو صفر کی برتری سے دوسرے ہاف کا آغاز ہوا۔ چھیاسویں منٹ فرمینو کے گول سے اسکور تین صفر ہو گیا، اسی پر میچ کا اختتام ہوا۔

لیور پول کو بڑی جیت کا بڑا انعام ملا، پوائنٹ ٹیبل پر ترقی سے دوسرا نمبر ملا، بیس پوائنٹس کے ساتھ سرفہرست ٹوٹنہم کے ہم پلہ ہو گئی۔ محمد صلاح کی ٹیم نے دوبارہ ٹاپ پوزیشن پر نظریں جما لیں۔