jis aaine mein bhi jhanka nazar usi se mili

[mehreensaeed]

jis ā.īne meñ bhī jhāñkā nazar usī se milī
mujhe to apnī bhī yaaro ḳhabar usī se milī

badal badal ke chalā samt o rahguzar bhī magar
vo ik maqām ki har rahguzar usī se milī

ham aise koī hunar-mand bhī na the phir bhī
vo qadr-dāñ thā ki dād-e-hunar usī se milī

vo kaun haiñ jo banāte haiñ apnī duniyā ḳhud
hameñ to rone ko bhī chashm-e-tar usī se milī

ajab thā shaḳhs jo phirtā thā ḳhud banā talvār
chalī jo teġh to mujh ko sipar usī se milī

qadam qadam pe the raste meñ mah-vashoñ ke hujūm
milī kisī se to jā kar nazar usī se milī

na kisht-zāroñ meñ dekhā jise na bāġhoñ meñ
har ek fasl magar fasl par usī se milī

tamām umr gurezāñ rahā thā jis se maiñ
qadam lahad meñ jo rakkhe kamar usī se milī

basīrat-e-nigah-o-dil paḌī nahīñ miltī
milī jise bhī ye daulat 'umar' usī se milī

[intelligent086]

جس آئینے میں بھی جھانکا نظر اسی سے ملی
مجھے تو اپنی بھی یارو خبر اسی سے ملی

بدل بدل کے چلا سمت و رہ گزر بھی مگر
وہ اک مقام کہ ہر رہ گزر اسی سے ملی

ہم ایسے کوئی ہنر مند بھی نہ تھے پھر بھی
وہ قدرداں تھا کہ داد ہنر اسی سے ملی

وہ کون ہیں جو بناتے ہیں اپنی دنیا خود
ہمیں تو رونے کو بھی چشم تر اسی سے ملی

عجب تھا شخص جو پھرتا تھا خود بنا تلوار
چلی جو تیغ تو مجھ کو سپر اسی سے ملی

قدم قدم پہ تھے رستے میں مہ وشوں کے ہجوم
ملی کسی سے تو جا کر نظر اسی سے ملی

نہ کشت زاروں میں دیکھا جسے نہ باغوں میں
ہر ایک فصل مگر فصل پر اسی سے ملی

تمام عمر گریزاں رہا تھا جس سے میں
قدم لحد میں جو رکھے کمر اسی سے ملی

بصیرت نگہ و دل پڑی نہیں ملتی
ملی جسے بھی یہ دولت عمرؔ اسی سے ملی
عمر انصاری

[intelligent086]

@Mariaa @maya @aliza @mehreensaeed

[Teponim]

Nice one