SD lover
عبث
عبث
مرا گھر اجنبی لگتا ہے کیوں آخر
وہ راہیں بھی
جو گھر تک لے کے جاتی ہیں
کبھی تھیں آشنا مجھ سے
مگر نا آشنا اب ہیں
بہت مایوس ہوں سب سے
مجھے پہچاننے والا
نہیں کوئی
کوئی رشتہ بھی اب اپنا نہیں لگتا
یہاں کی ریشمی صبحیں
اجالے اپنے آنگن کے
اداسی سے بھری شامیں
چمکتے رات کے تارے
سبھی یہ مجھ سے کہتے ہیں
کہ اب کے جب سفر کرنا
جہاں جانا
وہیں رہنا
عبث ہے اس جگہ آنا
عبث ہے لوٹ کر آنا
عادل حیات
SD lover
Posting Permissions
Reply With Quote
Re: عبث