میرا پرچم فخر میرا، میری پہچان پاکستان

**Tariq Haavi** · 24-08-2021, 01:23 PM

میرا پرچم فخر میرا، میری پہچان پاکستان
دھڑکن ہے میرے دل کی، میری جند جان پاکستان

بن کے لہو میری، ہر اِک رَگ میں بستا ہے
وفا و پاسداری ہے، میرا ایمان پاکستان

دفاع تیرا مقدم ہے، جو تُو ہے ، تو سب کچھ ہے
تیری حرمت کی خاطر سب، کروں قربان پاکستان

وطن تُو جب پکارے گا، مجھے موجود پائے گا
نچھاور تجھ پہ کردونگا، میں اپنی جان پاکستان

مقدر ہو خوشحالی، وافورِ رزق ہو دھرتی
رکھے شاداب میرا رب، تیرے کھلیان پاکستان

تیرا ہر فردِ ملت ہو، محبت کا امیں ثابت
پیامِ امن و اخوت سے، رہے یکجان پاکستان

شاہیں تیرے پَھلیں پُھولیں، محنت سے فلک چُھو لیں
تابندہ آئند لیکر سب، چڑھیں پروان پاکستان

گہوارہِ امن ہو یا رب، یہ ارضِ پاک محشر تک
رہے یہ سربلند پرچم، ہو عالی شان پاکستان

(طارق اقبال حاوی)