AANKHON MAIN KYON HAI AAYE HUE

na jaane ashk se aankhon main kyon hai aaye hue
guzar gayaa zamaanaa tujhe bhulaaye hue

jo manzilain hain to bas raharavaan-e- ishq ki hain
vo saans ukhari hui paaon Dag_magaaye hue

na rah_zanon se ruke raaste mohabbat ke
vo kaafile nazar aaye luTe luTaaye hue

ab is ke baad mujhe kuchh Khabar nahin un ki
Gam aashnaa hue apane hue paraaye hue

ye iztiraab saa kyaa hai ki muddatain guzari
tujhe bhulaye hue teri yaad aaye hue