Ashar . . . UNLIMITED . . .

[Iman]

dil kay in chalooN ka marham kiuN na tujh per nihaaN karooN
kis kis ko aay jan-e-tamanna apna apna kaha karooN

[Iman]

najane konse jazbe kii yuuN taskiin karta huuN
bazahir to tumhare khat jala kar kuch nahiiN milta

[Iman]

baRe logoN ke uunche badnuma aur sard maHloN ko
ghariib aankhoN se takta huuN to aankheN bhiig jaatii heN

[Iman]

kahaN se chala tha judaai kaa sayaa nahiiN dekh paya
ke raste meN thii aansuuoN kii rawaanii, zara phir se kehna.

Amjad Islam Amjad

[Iman]

jo aaj mera nahiiN he wo kal mira ho ga
ke har zamaana uruuj o zawaal rakhta he.


Rahman Khawar

[Iman]

use kaho ke sitam meN wo kuch kamii karle
ke zulm toRne waale bhii sog karte heN.

Syed Wasii Shah

[Iman]

same ke samandar kaha to ne jo bhii, suna, par na samjhe

jawanii kii naddii meN tha tez paanii, zara phir se kehna

Amjad Islam Amjad

[Iman]

wo baRa Rahiim o Kariim he mujhe ye sifat bhii ataa kare
use bhuulne kii dua karoN to mirii dua meN asar na ho

Dr.Bashir Badr

[Iman]

"he ishq bohat aasaN, yuN is ko samajh lijye
ik aag ke daryaa meN bas duubte jaana he"

Muhammad Ahsan Sami Rahil

[Iman]

yuN khud ko jalaane ka sabab Khaas nahiiN he
bas tum se muhabbat kii saza kaat rahe heN

Muhammad Ahsan Sami Rahil