~*~usey Mujh Sey Mohabbat Hai~*~

[~StranGer~]

~*~USEY MUJH SEY MOHABBAT HAI~*~

Woh Mujh Sey Yeh Nahin Kehta
Usey Mujh Sey Mohabbat Hai
Mager woh Aaj Kal Aik Janoon ki Zid Main Rehta Hai
Ajab Aik Bekhudi Hai, jo Usey Bechain Rakhti Hai
Woh Mujh Sey Baat Karta Hai....
Bohat Hi Aam Si, Mosam Ki, Logon Ki
Mehaz Duniya Ki Rasmmi Si
Woh Mujh Se Baat Karnay K Bahaney Dhondta Hai Un Hawalon Sey
Samjhta Hai Main Us Ki Aam Si Baton Ko
Buss "Yunhi" Samjhti Hoon
Woh Milta Hai Mujhay Akser Bahano Sey
K Main Guzra Yahan Se, Socha Baat Hi Kar Loon
Samjhta Hai Main Us K In Bahano Ko Na Janoon Gi
Kabhi Jo Phone Karta Hai
To Uski Mohabbat Us K Lehjay Say Jhalkti Hai
Mujhay Bechain Karti Hai
Woh Mera Dhiyan Rakhta Hai
Meri Her Baat Ko Hi Bin_Kahay Woh Jaan Layta Hai
Samjhta Hai Woh Yeh Phir Bhi....!!!
Us Nay Khud Ko Chupa Rakha Hai Khud Hi Se
Mager Akser...!!!
Woh Khud Anjanay Main
Apna Yeh Parda Chaak Karta Hai
K Jab Meri Bohat Pehlay Kahi Hue
Her Baat Ko Woh Yaad Rakhta Hai
Aur Unhi Lafzoon Ko Meray Samnay
Duhra Bhi Deta Hai
Yun Lagta Hai K...!!!
Us Ne Meri Kahi Her Baat Ko Yaad Rakha Hai
Woh Mujh Se Yeh Nahin Kehta
K Us Ki Khuahish Usko Bohat Bechain Rakhti Hai
Ya Shaid In Dinon Woh Khud Say Bhi Chupata Hai
Mager...!!!
Uski Nighain Akser Usay Nakaam Kartin Hain
K Sarey Jaam Ulfat K Woh Bher Bher Ker Lutati Hain
Woh Darta Hai K Kahin Kho Na Dey Mujh Ko
K Koi Baat Uski Mujh Ko Us Sey Dour Na Ker Dey
Woh Mujh Ko Sochta Hai
Jagta Hai Raat Bher Woh Bhi
Mager Shaid Abhi Usko Mohabbat Main
Khamoshi Say Hi Jalna Hai
K Woh Jab Tak Perh Nahin Leta
Yeh Aankhin Jis Main K Uska Naam Likha Hai
K Meray Laho Ki Gardishon Main
Raqs Karti Chahtin Uski
Woh Jab Tuk Paa Nahin Leta
Samjh Nahin Leta, Jab Tuk...!!!
K Main Bhi Gamzan Hoon
Khamoshi Se Us K Raastey Per
Main Bhi Jagti Hoon...Sochti Hoon Raat Bher Us Ko
Mager Us sey Nahin Kehti...!!!
"Mujhey Us Se Mohabbat Hai"

[naz]

[~*zaib*~]

h

keep sahiring