Let' Play Shairi

[Manoos Ajnabi]

next ADEEM HASHMI

[naz]

zakia ghazal

[Manoos Ajnabi]

munsifo.n saliibo.n par faisale nahii.n hote



munsifo.n saliibo.n par faisale nahii.n hote
besabab baGaavat ke saanahe nahii.n hote

jhuuTh aur sadaaqat kii jang to azal se hai
phir bhii sach pe jiine ke hausale nahii.n hote

soch ke judaa honaa phir ke mil na paaye.nge
kyo.n ke is zamaane me.n mojeze nahii.n hote

jo bhii the gile shikave duur kar ke jaanaa thaa
kam se kam bichha.Dane par dil bure nahii.n hote

chaa.Nd se kahaa ham ne tum hii raat bhar jaago
ham se us kii yaado.n me.n rat_jage nahii.n hote

next Sahir Ludhianvi

[naz]

Ahmed Faraz

[Safah-e-Qartas]

Qurabton mein bhi judayi ke bahane maange
Dil woh bemehar ke rone ke bahane maange
Apna yeh haal ke jee haar chuke lut bhi chuke
Aur mohabbat wohi andaaz puraane maange
Yehi dil tha ke tarasta tha marasim ke liye
Ab yehi tark-e-ta'luq ke bahane maange
Zindagi hum tere daaghon se rahe sharminda
Aur tu hai ke sada ayina khaane maange
Dil kisi haal mein qaneya hi nahi jaane Faraz
Mil gaya tu bhi to kya aur na jaane maange

Ahmed Nadeem Qasmi

[naz]

Farhat Abbas Shah

[Safah-e-Qartas]

Tum jo hotay to hamain kitna sahaara hota
Hum ne auron ko na yun Dukh main Pukara hota

Jittni Shidat se main wabista tha tum se FARHAT
Kis taraha mera teray bahd Guzzara hota

Mujj ko ye soch hi kaafi hay Jalanay k liye
Main na hota to koi aur tumhara hota

aur hum baith k khamoshi se roey jatay
Sham hoti, Kisi Dariya ka kinnara hota

Dil se Daikhi nahi jaati thi Khamoshi ghar ki
Kis tarha ujjRa houa shehr Gawara hota

Chand hota k meri Jan Sitara hota
hum ne ik teray siwa dil main utara hota

Tu ne socha hay Kabi Kitna Mohabbat k baghair
Rooh Farsa Dil-e-WeeraaN ka Nazzaara hota


Ghalib

[naz]

aa ki merii jaan me.n qaraar nahii.n hai
taaqat-e-bedaad-e-intazaar nahii.n hai


dete hai.n jannat hayaat-e-dahar ke badale
nashshaa baa_andaazaa-e-Khumaar nahii.n hai


giriyaa nikaale hai terii bazm se mujh ko
haaye! ki rone pe iKhtiyaar nahii.n hai



ham se abas hai gumaan-e-ranjish-e-Khaatir
Khaak me.n ushshaq kii Gubaar nahii.n hai


dil se uThaa lutf-e-jalvaa haaye ma_anii
Gair-e-gul aa_iinaa-e-bahaar nahii.n hai


qatl kaa mere kiyaa hai ahad to baare
vaaye! agar ahad ustavaar nahii.n hai




tuu ne qasam mai_kashii kii khaa_ii hai 'Ghalib'
terii qasam ka kuchh aitabaar nahii.n hai

Mir Taqi Mir

[Manoos Ajnabi]

next MUSTAFA ZAIDI

[naz]

Ehsan Danish