Ik Shakhs Dil ruba sa
Barason ke baad dekhaa I shaKhs Dil Rubaa saa
AB zahan mein nahin hai par naam thaa bhalaa saa
Abruu khinche khinche se aankhein jhukii jhukii si
Baatein rukii rukii sii lahajaa thakaa thakaa saa
Alfaaz the ke jugnuu aavaaz ke safar mein
Ban jaaye jangaloon mein jis tarah raastaa saa
Khwaaboon mein Khwaab us ke yaadoin mein yaad us kii
Neendoon mein ghul gayaa ho jaise ke rat jagaa saa
Pahale bhii log aaye kitane hii zindagii mein
wo her tarah se lekin auroon se thaa judaa saa
Aglii muhabbatoon NE vo naa muraadiyaan dien
Taazaa rafaaqatoon se dil thaa Daraa Daraa saa
Kuchh ye ke muddatoon se ham bhii nahin thay roye
Kuchh zahar mein bujhaa thaa ahabaab kaa dilaasaa
Phir youn huaa ke saavan aankhoon mein AA base the
Phir youn huaa ke jaise dil bhii thaa aabalaa saa
Ab sach kahain to yaaro ham ko Khabar nahin thii
Ban jaayegaa qayaamat I vaaqiaa zaraa saa
Tevar the berukhii ke andaaz dostii ke
Vo ajanabii thaa lekin lagataa thaa aashnaa saa
Ham dasht the ke dariyaa ham zahar the ke amrit
Naahaq thaa zoam ham ko jab vo nahin thaa pyaasaa
Ham NE bhii us ko dekhaa kal shaam ittefaaqan
Apanaa bhii haal hai AB logo Faraz kaa saa
Reply With Quote