Mere Jawab Tumharey Sawal! Guest serious_thoughts

[naz]

Asalam.o.ALaikum

Janab Aj Hum 2nd "Mere Jawab Tumharey Sawal" Ka SilSila Shuro Kar Rahe Hain Or APp Sub Ki Shirkat He Is Silsiley Ko Kamyab Banaye Gi...Janab Hamari 2nd Guest SD K Bhot Piyare Se Member " serious_thoughts" Hain...Yaha Her Member serious_thoughts Se Sirf Aik Sawal Poch Sakta Hai...Is K ilawa Agar Kisi Ne Sawal Or Poch Liya Tu serious_thoughts Is Sawal Ka Jawab Nahi Dai Gai...Kuke Yeh Aik Competition Bhi Hai...Is Main Hum In Sawalon Ke Bech Polling Bhi Kare Gai ..Jis Ka Sawal Or Jis Ka Jawab serious_thoughts Ne Best Diya Hoga...Kuke Guest Ka Naam Tu Shield Per Aye Ga He Jawab Jo Is Ne Diya Hoga...Isliye Guest Ke Sath Sath Yaha Zaida Kaam In Members Ka Hai..Jo K Guest Se Question Pochey Gai...Isliye Janab Best Se Best Question Pochne Ki Koshish Kijeye Ga...Aik week Tak Aik Guest Aye Ga Is K Bad Polling Or Sath He Dosre Guest Ki Thread Bhi Lag Jaye Gi Umid Hai App Is Anokhey Se Silsiley Ko Khoub Enjoy Kare Gai...Or Ap K Sawal Sirf Mohabbat Se Related Hone Chahye...Kuke Yeh Mohabbat Kadah Hai

Most welcome Karti Hon serious_thoughts Ka "Mere Jawab Tumharey Sawal" Main


Members se Request hai ke Fazol baaton se Parhez kijeye ga
han agar sawal ya jawab per koi comment dena hia tu zaror dijeye
werna baki awein posts delete karde jaye gi

[naz]

Question

Janey Ku App Ko Jab Bhi Dekha Mohabbat Kadah Main He Dekha...or Aj Tak Net Per Sirf App Ko He Aisa Dekha Jo Mohabbat K Bare Main Itna Sochta Hai...App Ki Shaksiyat or Baaton Ko Dekh Ker Yeh Andaza Hota Hai Ke Mohabbat Ka zaiqa App Bhi Chakh Chukey Hain...Mujhe App Se Pochna Yeh Hai K...Jab App Ko Mohabbat Hue Tu Is waqt App Ki Mohabbat K Liye Kiya Feelings Thi ?

[WAji]

Sab se pehley buhut shukriya Naz mujh ko yahan daawat deney ke lye .. lekin meri preparation achi nai as usual (kabhi kisi exam se pehley nai hoti )
koshish karun ga apnay nazaryaat wazeh kar sakun ..

[WAji]

Question

Janey Ku App Ko Jab Bhi Dekha Mohabbat Kadah Main He Dekha...or Aj Tak Net Per Sirf App Ko He Aisa Dekha Jo Mohabbat K Bare Main Itna Sochta Hai...App Ki Shaksiyat or Baaton Ko Dekh Ker Yeh Andaza Hota Hai Ke Mohabbat Ka zaiqa App Bhi Chakh Chukey Hain...Mujhe App Se Pochna Yeh Hai K...Jab App Ko Mohabbat Hue Tu Is waqt App Ki Mohabbat K Liye Kiya Feelings Thi ?

Shukriya Naz buhut hi acha aur mushkil sawaal poochney ke lye ..
Hum to jaantay hi na they ye pyar ishq aur muhabbat kis balah ka naam hai .. apni zindagi me magan shararaten kartey ghoomtey they.. wo zamana bhi ajab zamana tha jab hum bachay huya kartey they kisi qism ki koi pareshani aur zimme dari nahi thi.. Haan ye sach hai ke is teer ka shikar hum bhi huye hain lekin is zakhm ko aur paalney ka jazba umer ke saath sath barhta ja raha hai .. Sach kahun to muje nai malum hai ke mujhey muhabbat kab hui hai aur us waqt kya feelings theen kya jazbaat they.. Hum buhut chotey hua kartey they .. wo meri cousin hai.. bas hum sath khel kood kar hi baray huye hain to jitna muje yaad hai bas muje wo achi lagney lagi thi..kab se ye mai nahi jaanta shayad 8th grade me tha.. aur har wo kaam kya karta tha jo usey pasand ho ya wo karti ho misaal ke taur per.. wo ultey haath se karti hai har kaam aur me seedhey hath se karta tha .. practice kar karke me ne khud ko left handed banalya tha .. jo color jo mausam jo khushbu jo jagah even us ki pasand ki har cheez mai ne apnali aur wo meri pasand banti gayee... kuch saal guzrey hum thorey mature huye to undaza hua hai ye to muhabbat ki alamaat hain .. us ke baad se bas us ki khushi chahi hai me ne kisi bhi surat me.. zehen ki pukhtigi ke sath sath muhabbat ka jazba bhi barhta gaya yehi feelings theen aur hain aur inshaAllah barhen gi

Aap ne actually itna mushkil sawaal kardya tha ke me khud pata nai behta hua kahan se kahan nikal gaya aur is sawal ke saath insaaf kar saka ke nahi .. nai jaanta.. feelings batana itna asaan hota to kya hi baat thi

[naz]

Dosrey ki pasand ko apni pasand banana yehe Mohabbat ki pahal hoti hia...or kitna acha lagta hai yeh sub karna...yeh koi in se he pochye jinho ne kiya hia...jabhi main kehti hon ke zaburdasti kisi se kuch nahi karwana chahye...or Mohabbat main tu zaburdasti chalti he nahi...bhot acha jawab hai...Feelings he hue yeh jo tumne bataye

[WAji]

Dosrey ki pasand ko apni pasand banana yehe Mohabbat ki pahal hoti hia...or kitna acha lagta hai yeh sub karna...yeh koi in se he pochye jinho ne kiya hia...jabhi main kehti hon ke zaburdasti kisi se kuch nahi karwana chahye...or Mohabbat main tu zaburdasti chalti he nahi...bhot acha jawab hai...Feelings he hue yeh jo tumne bataye

U ka shukriya jo aisa sawaal kya aur muje wo din yaad diladiye

[sheem]

welcome here wajeh

mera sawal

App K Khayal Main
Mohabbat K Kitne Marhale Hote Hain ?

[~*Rano*~]

Serious.T

me ka sawal wohi hai jo paras say tha....keh Ishq or muhbbat k baray main kaya sochtay ho?..kesay dono ko define kertay ho?....muhbbat sirf muhbbat kio nai hoti..us ko ishq ka naam kio day diya jata hai?...coz muhbbat main b insaan wohi sab kerta hai jo ishq main hota hai..pagalpan,muhbbat ki akhri had..ik insaan say bepanah chaht..her cheez ko bhool ker ik he insaan ko sochna...chahna..yeh b tu muhbbat he hoyi na..or ishq main b yahi sab hota hai...phir ishq muhbbat kio diff hain?or kaisay diff hain?

[WAji]

welcome here wajeh

mera sawal

App K Khayal Main
Mohabbat K Kitne Marhale Hote Hain ?

Sheemo

chhaant chhaant ke mushkil question la rahay ho Mai ne koi PhD kya hai Muhabbat me ... Paras hi sahi thi u logon ke lye

jk ...Acha question hai

Haan ji to answer ki taraf aatay hain.. Mere khayal me is sawaal ka jawab dena itna hi mushkil hai ke jaisey kisi samander se moti dhundna kionke Pyar Ishq Muhabbat ek behta samander hai jisey alfaz me bayaan karna almost na mumkin hai..

yaad haiN marhale muhabbat ke...
haaye ! us be-kalii meN kyaa kuch thaa
(nasir kazmi)

Mere nazdeek Muhabbat aankhon se shroo hoti hai aur dil se guzarti hui rug-o-pay me sama jaati hai..
Pehla marhala Infatuation..Sab se pehley aap ko koi shakhs acha lagta hai, us ki baaten, us ki harkaten, us ki adaat, us ki khubyan to khubyan khaamiyan bhi achi lagney lagti hain.. is stage tak mai samajhta hun Muhabbat janam nahi leti is marhalay ko mai infatuation ka naam deta hun ..
Dusra marhala Muhabbat ya Pyar.. Dheerey dheerey agar aap ki rooh bechain honey lagay, zindagi ka routine disturb ho, us ke saath se aap khush hotey hon aur doori se bechain, most of all aap us ke baaray me itna sochney lagain ke kabhi kisi ke baray me na socha ho aisa, us ki khushi me khush aur ghum me ghumgeen honey lagen, aap khud ko badalney lagain us ki khushi ki khatir.. yahan se muhabbat ka janam hota hai .. ye doosra marhala hai .. kuch log pehley per hi raah bhatak jatay hain ya muhabbat un ko nahi chunti... wahan se wapsi bhi buhut aasaan hai.. kuch log aagay barhkey muhabbat ka daman thamtay hain jahan se wapsi mushkil to hai takleef bhi hoti hai lekin recoverable hai wo alag baat hai jis ne sachi muhabbat ki wo bhulta nahi... mai personally is jazbay ko salaam karta hun kionke is mai sirf dusrey ki khushi matter karti hai wo khush to aap khush..
Teesra aur aakhri marhala Ishq.. Kuch log muhabbat ke marhalay ko tay karke ishq ki chokhat per dastak detey hain jo ke mai samajhta hun teesra aur aakhri marhala hai aur sab se intensed aur hassaas marhala hai .. ek tarhan se us shakhs ke lye ya jis se wo pyar karta hai dangerous bhi hai ye depend karta hai har ek individual per ke wo kaisey react hai.. bas is marhalay me aap kisi kaam ke nahi rehtey .. aap ko us ka saath chahiye hi chahiye hota hai warna zindagi be matlab lagti hai .. soch-e-hawaas per bas wohi shaamil rehta hai.. hatta ke aap apni family, apni values, apney religion aur apni zaat sab per usey foqiyat detey hain bas .. khud ko fana karney ka jazba bhi janam leta hai agar aap ko wo shakhs na mil sakay to.. Mujhe personally ikhtilaaf hai is jazbay se kionke jahan khud ko fana karney ki baat aati hai wahan sirf KHUDA ka tasawwur aata hai kisi ghair-e-Khuda ke lye fana honey se kufr ki boo aati hai.. Muhabbat to itna pyara paak aur pakeeza jazba hai ke is me extreme nahi honi chahiye...

Ye mera personal opinion hai mujh se jab bhi jis ney bhi poocha kya farq hai pyar ishq muhabbat me ya kya marhalay hain.. mai nahi bata saka .. bas aaj likh daala jo sochta hun ... kahan tak sahi hai nahi malum

[~*Rano*~]

v gud ans Serious.T


mere saath milti hai u ki soch