Nazam Competition of the Month May 2008

[~*Rano*~]

thanks appo.BP n Zaib ji

bas i dont know jo b likha jo b bana likh diya me nay zain ji...mujay nahi pata ais main shairi k asool hain keh nahi but me nay likh diya jo b zehan main aya...

[Hijaab]

bohat payara likha hai Dua

[~*jia*~]

very nice Dua dear
bohat he achi poem likhi hay tum nay

[~*Rano*~]

thanks so much ap sab ka behad shukriya itni hosla afzayi ka..

[Hijaab]

[~*Rano*~]

wah buhat he khoobsurat likha hai hijab jani..

khush raho..

[the_0nly1]

Mout Ki Aaghosh Main Jab Thak K Soo Jati Hy Maa
Tab Kaheen Ja Kar Sukoon Thora Sa Pa Jati Hy Maa

Fikr Main Bachoon Ki Kuch Is Terha Ghul Jati Hy Maa
Nojawaan Hote Huye Boodhi Nazar Aati Hy Maa

Rooh K Rishte Ki Yeh Gehrayian To Daikhiye
Choot Lagti Hai Humare Aur Chillati Hy Maa

Kab Zarurat Ho Mere Bache Ko Itna Sooch Kar
Jaagti Rehti Hain Aankhain Aur Soo Jati Hy Maa

Jaane Kitni Barf Si Ratoon Mai Aesa Bhi Hua
Bacha To Chaati Pe Hy Geeley Main Soo Jati hy Maa

Jab Khilone Ku Machalta He Koi Ghurbatt Ka Phool
Aansoon K Saaz Par Bache Ko Bhehlati Hy Maa

Fiker K Shamshaan Main Aakhir Chitaoon Ki Terha
Jaise Sookhi Lakriyan, Is Terha Jal Jati Hy Maa

Apne Aanchal Se Gulabi Aansuon Ko Poonch Kar
Dair Tak Gurbatt Pe Apni Ashk Barsati Hy Maa

Saamne Bachoon K Kush Rahti Hy Her Ik Haal Main
Raat Ko Chup Chup K Lakin Ashk Bersati Hy Maa

Phehle Bachoon Ko Khilati Hy Sukoon-o-Chain Se
Baad Mai Jo Kuch Bacha ho Shauk Se Khati Hy Maa

Mangti Hi Kuch Nahi Apne Liye ALLAH Se
Apne Bachoon K Liye Daman Ko Phailati Hy Maa

Gar Javan Baiti Ho Ghar Main Aur Koi Rishta Na Ho
Ek Naye Ehsas Ki Sooli Pe Charh Jati Hy Maa

Har Eebadat Har Mohabbat Main Nahi Hy koi Gharz
Be-Gharz, Be-Loos, Har Khidmat Ko Kar Jati Hy Maa

Bazuoon Main Kheench K Aajaye Gi Jaise Kainat
Apne Bache K Liye Bahoon Ko Phailati Hy Maa

Zindagani K Safar Main Gardishoon Ki Dhoop Main
Jab Koi Saya Nahi Milta To Yaad Aati Hy Maa

Pyar Kehte Hain Kise Aur Mamta Kya Cheez Hy
Koi Un Bachoon Se Pooche Jin Ki Mar Jati Hy Maa

Safa-e-Hasti Pe Likhti Hy Usool-e-Zindagi
Is Liye Ek Muktab-e-Islam Kehlati Hy Maa

UsNe Duniya Ko Diye Masoom Rahber Is Liye
Azmatoon Main Sani-e-Quran Kehlati Hy Maa

Ghar Se Jab Pardes Jata Hy Koi Noor-e-Nazar
Haath Main QURAN Ly Kar Dar Pe Aajati Hy Maa

De K Bache Ko Zamanat Main Raza-e-Pak Ki
Peeche Peeche Sir Jhukaiye Door Tak Jati Hy Maa

Kaanpti Aawaz Se Kehti Hy Baita "Ulwida"
Saamne Jab Tak Rahe Haatoon Ko Lehrati Hy Maa

Jab Pareshani Main Ghir Jate Hain Hum Pardes Main
Aansuoon Ko Poonchnei Khawbon Main Aajati Hy Maa

Dair Ho Jati Hy Ghar Aane Main Aksar Jab Humain
Rait Per Machle Ho Jaise Aise Ghabrati Hy Maa

Marte Dam Tak laote na isaka Bacha Gar Pardes Se
Apni Dono Putliyan Chokhat Pe Rakh Jati Hy Maa

Baad MarJane K Phir Baite Ki Khidmat K Liye
Bhais Beti Ka Baddal Kar Ghar Main Aajati Hy Maa

Door Ho Jati Hy Sari Omer Ki Us Dum Thakan
Baiyah Kar K Baite Ka Jab Ghar Bahu Lati Hy Maa

[naz]

The only yeh poet club hai yaha apni likhi hue poetry share ki jati hia or comp main bhi apni he likhi poetry share ki jati hai so app ki poetry comp main shamil nahi ki jaye gi.agar ap khud likh sakte hain tu likh ker yeh edit kardijeye.

[the_0nly1]

The only yeh poet club hai yaha apni likhi hue poetry share ki jati hia or comp main bhi apni he likhi poetry share ki jati hai so app ki poetry comp main shamil nahi ki jaye gi.agar ap khud likh sakte hain tu likh ker yeh edit kardijeye.

thanx for guidline........!!
mujhe nahi pata tha........!!
i'll try to write out somelines......!!

[ishtiaq zain]

bahot khoobsurat khayalaat aor jazbaat ka izhaar kiya hai aap ne Hijab,aor kiyoon na ho ke,baat jo maaN ki ho rahi hai,
so bahot si mubaarak baad qabool kijiye apni is tehreer par,

aek baat aor kehta chalooN,aap ne nazam ki shuruaat ki maaN ko mukhaatib kartey huye,lekin phir achaanak,tukhaatab badal gaya,yehni aap dostoN se mukhaatib ho gayeeN,aesa kiyoon?nazam main is ko khaami maana jata hai,so koshish kijiye ke is tarah ki ghaltioN se bachain.
lagta hai aap ne mera mazmoon paRa to hai,lekin samjha naheeN,
bahot khush rahiye,