::Mera Masum MK ::
Mera masum Muhabbat Kadah kyun aisa khali para rehta hai .. bas yahan kuch ash'aar share kye jaatay hain ya koi nazm ya ghazal Muhabbat se mutaalliq.. Is section ko zinda rakhney ki pur zor koshish me lagain hain hamarey kuch saathi .. Naz, Sheem, Heer, Rano aur Hijab aur Arslan aur bhi kuch members hain jo ke musalsal achi achi sharing kartey hain... In ki mehnat hai is ke peechey .. Kahan kahan se acha mawaab dhund kar laatay hain aur share kartey hain hum jatay hain parhtey hain nice sharing waghera keh kar chutti kar jatay hain .. 11-12 replies me wo thread sooni ho jati hai next day nai thread aati hai..
Aaaj soch raha tha kuch aisa kya jaye ke yahan discussions ka silsila rawan dawan rahay.. Constructive arguments hon...koi ideas laao logon .. Naz ne kaafi koshish ki hai aur abhi haal hi me ek silsila shroo kya hai jo ke acha chal raha hai mashaAllah .. bas us me log aatay hain musalsal aur sawaal-o-jawab hotey rahen aur muhabbat ka karwan yunhi chalta rahay.. Aisey hi kuch aur silsilay honey chahiye.. mai bhi sochta hun aap bhi socho jisey jo idea aaye plz is thread me sab ke samney rakhay .. Aap me se bhi kaafi logon ko muhabbat hui hogi chahay experience acha tha ya bura .. lekin muhabbat se to sab ko muhabbat hoti hai... to bas achay achay ideas laao aur kuch aisey silsilay shroo kye jaayen jin ka end na ho.. discussion jaari-o-saari rahay .. Mai Muhabbak ke is Kaday ko yun soona soona nahi dekh sakta
Sachi soch ke saaath
WAji
Reply With Quote