Qatl kar do aasma yeh chaand mita do
taron ko fana kar ya ye raat jala do

jalate hue dilon ko kuchh to miley qarar
is duniya ki jalti hui har shama bujha do

jisko bhi ho shikawa koi jiney k naam sey
har shaksh ko do lamha magar maut ata do

terey ishk ibadat ki na itni saza do
mit jaaney sey pehley bas ye ishk mita do .

aati nahi qayamat jab tak merey malik
sab ashikon ki ruhain kaheen door sula do

yeh duniya naee koi basa o merey ALLAH
har cheez atta phir wahi bas dil na atta do