AANCHAL KI HAWA DE MUJH KO

Gungunate huey Aanchal ki hawa de mujh ko
Ungliya pheir ke balon main sula de mujh ko

Yaad kar ke mujh ko taqleef hi hoti ho gi
Aik kissa hun purana ab bhula de mujh ko

Doobte doobte awaaz teri sun jaaon
Akhari bar tu sahil se sada de mujh ko

Dekh main ho gaya badnaam kitabon ki tarah
Meri tashheer na kar ab tu jala de mujh ko

Roothna tera meri jaan liye jaata hai
Aise naraz na ho Hans ke dekha de mujh ko

Yehi auqaat hai meri tere jivan main ke
Main Koi kamzoor sa lamha hn bhula de mujh ko

Aur kuch bhi nahi mangna mere Malik tujhe se
Is ki galiyon main padi khaak bana de mujh ko