Ek hunar hay jo kar geya hoon main
"Ghazal"
Ek hunar hay jo kar geya hoon main
Sub kay dil say utar geya hoon main
Kaisay apni hansi ko zabt karoon
Sun raha hoon kay ghar geya hoon main
Kya bataoon keh marr nahi pata
Jeetay ji jub say marr geya hoon main
Ab hay bus apna saamna darpaish
Her kisi say guzar geya hoon main
Woh hi naaz-o-adaa, woh hi Ghamzay
Sar-ba-sar aap per geya hoon main
Ajab ilzaam hoon zamanay ka
Keh yahan sub kay sar geya hoon main
Kabhi Khud tak pohanch nahi paya
Jub keh waan ummar bhar geya hoon main
Tum say janaan mila hoon jis din say
Bay-tarah, Khud say darr geya hoon main
Koo–e–janaan main soag barpa hay
Keh achanak, sudhar geya hoon main..!
Poet:
‘Jon Elia’
Reply With Quote
​
